自從有左部4合1蒸煮機後，我呢個懶媽媽都有努力為蠔豉妹妹煮下唔同嘅野~ 由於蠔豉妹妹真係太愛南瓜，所以基本上煮乜有落南瓜嘅佢都好俾面咁食~ 而最近我發現妹妹都幾鐘意食雞肉，所以我又亂試咁整下BB版漢堡 :p   1個迷你雞肉南瓜漢堡嘅材料好簡單~ 細南瓜 8分1個 雞柳 1條 紅蘿蔔 少量 (唔加都得) 生粉 少量 鹽 少量 (唔加都得~)   由於蠔豉妹妹嘅食量真係唔多，所以每次我買材料都好頭痛，唔想浪費，但又無得買半條紅蘿蔔、2條雞柳咁買... 所以我就拎返之前泵奶時期用嘅儲奶杯出黎用~因爲都一樣可以用黎放食物又唔會漏！very good~一物二用唔浪費 :p 不過始終儲奶杯容量較細，所以最後我就買埋佢地嘅食物儲存杯~ 容量比儲奶杯大，方便我放多啲食物 而儲奶杯我一般就會用黎放下餅餅帶出街時方便俾蠔豉妹妹食~ 我有試過用啲密實盒，不過太大同埋用呢啲扭蓋感覺比啪蓋更密實！   我多數一買好材料就乜都蒸左先~ 用蒸煮機最方便就係火都唔洗睇，放落去就可以同返妹妹玩~ 所以只係切同煎就完成~ 雞肉蒸完先攪碎   南瓜切粒蒸15分鐘就ok~ 因為要靠佢同生粉將雞肉同紅蘿蔔粒痴埋~   紅蘿蔔蒸10分鐘，唔洗太淋，之後攪碎，有啲口感~ 蒸完用唔曬嘅可以先放儲存杯先，2日內食完都ok :)   之後就將雞肉、南瓜、紅蘿蔔攪拌，加少少生粉(大概1茶匙就ok~)就ok~   越攪會越實，之後放落保鮮紙，壓返一個圓形就KO！   落少少油煎香2面就ok~我掛住影，煎燶左少少，燶既位唔好俾小朋友食就得，大人食 :p   最後妹妹食左半個，另外半個就自己食~~   剩左嘅材料，我第二朝就整pancake俾妹妹食~ 細南瓜 8分1個 雞柳 1條 蛋黃 1隻 麵粉 2-3湯匙   上次有好多媽媽問我份量，其實我都好隨心，不過記得攪個pancake糊唔可以太稀，一稀就加啲麵粉~   全部材料攪匀就ok~ (有時我懶，前一晚攪好晒，放係儲存杯，第二朝蠔豉妹妹醒我先整，咁就快快手！)   Pancake我係唔落油煎~ 煎完就成為妹妹既早餐~ 3塊pancake仔加水同香蕉就KO :p   Facebook : 蠔豉妹妹之貓奴生活   Facebook : 80後的人妻「旅」友  Instagram : https://www.instagram.com/wingring 合作／邀稿 : wingring417@gmail.com / wingring@ymail.com