副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

報唔報N班好?(5大考慮因素!)

蠔豉妹妹因爲係上年7月出世,所以宜家佢13個月已經要決定報唔報N班!(N班要2歲先可以讀,所以係1-8月出世既BB,過左一歲後就可以準備報名)係9月前,我都仲係無諗過要俾蠔豉妹妹讀N班~一來覺得家中有

蠔豉妹妹因爲係上年7月出世,所以宜家佢13個月已經要決定報唔報N班! (N班要2歲先可以讀,所以係1-8月出世既BB,過左一歲後就可以準備報名)   係9月前,我都仲係無諗過要俾蠔豉妹妹讀N班~ 一來覺得家中有工人姐姐幫手湊,二來覺得返playgroup都一樣可以群體生活~   不過,一踏入9月,唔知媽媽gp會講下N班,就連其他親戚朋友都開始關心起黎,我呢個一直無去了解N班既媽媽都忍唔住望下...   最後,我覺得報唔報N班真係好睇個人決定,大家可以參考一下我既考慮因素~   1. 小朋友既作息 如果本身BB慣左早上6、7點起身,之後9、10點訓多陣先食晏,咁返上午或全日N班對佢黎講都會好辛苦... 反觀BB本身就8、9點先起身,之後12點再食奶先訓,咁就唔洗去改變佢即作息~   2. 群體生活 vs 小班教學 好多時讀N班就係想俾小朋友早日學校群體生活~不過返N班真係會十幾個小朋友一齊上,呢種咁大群既群體生活係咪你想要既? 如果其實只係進求小班教學既,可能揀playgroup會更加適合。   3. 家庭崗位 如果係全職爸爸/媽媽,當然可能可以捱得住24小時on call照顧小朋友~ 但如果係俾長輩或工人姐姐湊,報N班都可以話係一個透氣位! 有時我連續兩日自己湊都覺得攰...更何況係長輩   4. 學校既距離 個人覺得係N班黎講,學校既距離比學校既排名更重要! 要知道有啲幼稚園係唔會提供校巴俾N班既學生...就算有,你自己又放唔放心? 唔放心的話,你又有無時間日日坐車帶小朋友去?唔係一星期一、兩日,而係好似返工咁,一星期五日...你唔攰,咁小朋友呢?   5. 價錢 由於N班唔係必須,普遍N班既學費都唔平,一年返11個月,我見3x,xxx~6x,xxx/年,仲有其他雜項~   考慮晒呢5樣野,我深信大家都有答案~ 無論報又好,唔報都好,我知道各位爸媽都係揀最適合既俾自己小朋友~ 所以,唔需要比較,以後漫漫長路,大家一齊努力、開心咁行落去~   而我都幫蠔豉妹妹報左一間係屋企附近既N班~仲睇緊另外2間,無論收又好,唔收都好,平常心就ok :p   Facebook : 80後的人妻「旅」友  &  蠔豉妹妹之貓奴生活 Instagram : https://www.instagram.com/wingring 合作/邀稿 : wingring417@gmail.com / wingring@ymail.com