副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

小朋友欺凌事件?

記得4歲既時候 我都係一個無憂無慮既小朋友,無咁多功課 無咁多課外活動。今年 我生完西瓜妹之後,我覺得成個世界已經唔同唒。大概呢件事係我做人家長後 好深刻既一件事。幾日前家姐係屋企幫仔仔搞1歲生日,咁

記得4歲既時候 我都係一個無憂無慮既小朋友,無咁多功課 無咁多課外活動。今年 我生完西瓜妹之後,我覺得成個世界已經唔同唒。大概呢件事係我做人家長後 好深刻既一件事。   幾日前家姐係屋企幫仔仔搞1歲生日,咁都有幾個4-6歲小朋友黎一齊玩,家長好放心比佢地上樓玩(以我上幾次party經驗 佢地係屬於拆天拆地既小朋友。)咁阿哥個女 藍藍都想一齊玩 咁大家類近年齡 應該無乜大問題,但佢玩一樣玩具 其他幾位會一齊搶,甚至唔比佢一齊玩。而藍藍最後係落黎同我地大人坐,或者係同2歲下既bb小朋友玩...個日問佢:伊藍開唔開心? 佢既答案係伊藍唔開心...如果唔係我同老公/工人姐姐睇到,我諗無人知道呢個小朋友因為咩事感到委屈。   哥哥同阿嫂 4年半前生左藍藍,藍藍係1歲前已經係跟嫲嫲住。係1歲半左右開始跟番爸爸媽媽住,因為佢地要番工 所以請左工人姐姐照顧佢。工人姐姐係菲律賓人 講英文為主。   我哥同嫂好少同藍藍交流,大概係番工攰。大部分時間 藍藍都係同工人姐姐一齊 所以逐漸都係講英文多!但係...我哥同嫂係唔識英文(係咪好奇怪 明明自己英文差 仲請個講英文),慶幸 工人姐姐對藍藍視如己出好錫佢。   佢地既教育方式係 最貴就最好,眼見個女唔肯講中文同唔係好肯同人溝通,今年呢個暑假 幫佢報埋summer class。除左星期六日係真係放假之外,基本上日日都要上堂 直到開學。   自從我有左西瓜妹後 有少少母愛浮左出黎,會買玩具同藍藍玩,教佢中文,教佢去做好一件事,係我眼中 藍藍係好乖既小朋友。我真係好怕呢件事會令佢有陰影。   個個人教小朋友方法唔同  但有時自己小朋友對其他小朋友造成既無形傷害同陰影 其實可以好簡單咁避免。家長們要做既係及時教導同以身作則 而唔係縱容佢造就下一次有同樣事件發生。