話說早前妹妹發燒， 除左食退燒藥，我地都有用不同方法幫佢散熱… 貼退熱貼，沖涼，抹身(特別關節位)，餵佢飲多D水 飲水之外，我地仲煲左 #竹蔗茅根紅蘿蔔馬蹄水 俾妹妹飲。   竹蔗茅根都有生津止渴、清熱利尿功效， 等妹妹飲多D可以降溫，退燒。 本身材料都帶甜，加上俾BB飲，所以不用額外加糖。       而且做法超簡單，將所有材料(竹蔗、茅根、紅蘿蔔、馬蹄)， 洗淨去皮切件，放入大煲水中， 滾起轉中小火煲3小時即可。   甜甜地，所以兩個都好中意飲呢。 其實打針前一星期都可以煲俾小朋友飲，以減低打針後反應不適及發燒。   ---------------------------------------------------------------------------------------- facebook page : 龍鳳Babies G & 孖媽Gloria| 想睇更多Babies G生活照: https://www.instagram.com/babiesg_mamagloria 邀稿/合作: twins.babiesg@gmail.com