山竹真係一個超強大的颱風～星期日當日完全唔敢出街，近2日都停課。 檸媽見就到中秋～於是買定左d 材料～同檸b 齊齊整冰皮月餅～ ٩(｡・ω・｡)و 大住個肚加上檸B都仲細～就唔打算處理太多程序啦～ 所以買左最最最簡單的免煮冰皮粉同即用紫薯蓉～ 玩下搓粉同試下用磅～ 都預左玩到mess play咁～成地粉，所以為娘嘅體力就留番來做清潔啦 ～ 又食得又玩得～幾得意架～ (๑´ㅂ`๑) ------- 製作方法: 製作時間: 1小時~ 冰皮材料: 免煮冰皮粉 250g 凍滾水  250ml 固體菜油 25g 另外要準備防黏用:  太白粉(片粟粉) / 糕粉（即熟糯米粉)  50-60g 紫薯餡料: 現成紫薯蓉  300g (不過檸媽覺得lee隻軟左D , 建議買番冰皮專用/ 自制) 做法: 1. 免煮冰皮粉放入大碗中, 加入冷開水, 攪勻成為粉糰. 2. 固體菜油分 3 次加入, 搓至不黏手.  3. 將粉糰和餡料分成等份 (檸爸大概用25g 一份 , 視乎你模大小) 4. 桌面及月餅模灑生少許太白粉, 粉糰滾圓壓成圓餅形  (我比檸B 用手壓~所以皮好厚, 用擀麵棍會好D) 5. 包餡料入粉糰, 放入月餅模推壓成形~ 6.  放入冰格中冷藏過夜，吃前 2小時轉放到雪櫃中，轉稍軟身即可享用 冰皮同現成紫薯蓉 都唔係好甜~檸媽覺得幾好~ 希望大家都整得開心~ 中秋節快樂~