副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

第一下反應好亂...

年初婦科檢查醫生語重心詳咁話 唔係諗住唔生 就唔好諗幾時先生啦 有仔就襯嫩生啦喔 其實我唔係睇婦產科wor醫生

年初婦科檢查 醫生語重心詳咁話 唔係諗住唔生 就唔好諗幾時先生啦 有仔就襯嫩生啦 喔 其實我唔係睇婦產科wor醫生???? 之後醫生俾左張度體温紙我 解釋左俾我知點計 返到屋企 擺埋左係櫃桶 四月去旅行既時候 幫妹妹買電子兒童探熱器既時候 自己再買多個探熱野 諗住試下  Hey~ 朝朝都起左身先記得要未起身唔郁咁探... 好,記得個時,返工日子成日都早左醒跟住就出到成身汗... 咁點探... 其實我都唔知返工有咩好緊張既... 6月時 睇中醫 順便同醫師講想調理身體for 生BB, 因為我食既野太寒,都係調理下好d 既 老公都開始想要小朋友了 咁自己都開始年紀大啦 8月M之後 諗住開始認真計算下時間 之前都有mark 住M日子 近期諗住搞搞隻智慧齒 不過因爲其實都處於open 狀態,所以計算左9月M既日子,如果真係M到,就可以去搞隻牙,因為要照X Ray ma 但係遲左一日...嗯 咁岩遮 不過來快d book 整牙日期 咁驗下啦 我冇同老公講我遲左 我擺左支棒落杯 老公放工返來係咁講今日返工既事 我冇出聲 半聽半睇住支棒 唔想俾佢知我check 緊 點知...我見到...2條線!!wow! 2條線呀!有點開心???? 咪住...睇清楚?! 真係2條線!???????????????? 唔係唔係 (個人開始有點呆...好驚...靈魂出竅了...) 我即刻再閱讀說明書 再對下條線... 其實係咪呢條呢 係咪佢支棒印刷咋 其他人睇邊度先係第2條線呢 應該唔係呢條???????? 應該仲有一個位顯示 唔係呢條架嘛 老公見到我係度唔知做咩 問我搞咩 佢見到支棒 係咁問我 即係點睇 我對左個包裝同說明書 十幾次 睇左十分鐘 老公不斷問我即係點 跟住我喊 老公就笑 咁即係係啦 唔駛驚 我係度 呢下我真係好唔知個反應應該係開心定點 成晚 我地2個都訓唔著..