好少會分享大人餸菜 咀雕老公罕有地比+100分 所以要紀錄下 好有兒時味道的炒米粉 食落口會有好滿足同哽頸既感覺 張相係黃燈下影啦～好黃 細細個就食嘅！天鵝牌米粉 炒前用水浸十分鐘至軟剪開備用， 食譜：二人份量 米粉2塊 雞蛋3隻 蔥適量 叉燒 雞蛋炒好備用 落油炒香蔥，再加米粉炒，落少許生抽，香菇粉炒勻 喜歡深色可以加老抽，再加雞蛋炒勻 呢隻鑊炒左5-6分鐘完全無燶底同痴底！勁正！ 上碟鋪上叉燒，完成！ *因為喜歡啖啖口感，所以叉燒雞蛋大大舊上，可以切碎炒勻的。