又係分享小手作既時候啦!話說果醬媽都好耐無出現啦！因為返工忙、湊仔忙...... 最近終於得閒返小小，於是我又開始我既BB玩具手作"事業"啦! 相信大家都聽過蒙特梭利既幼兒教學理論，而蒙特梭利教具往往著重感官刺激，利用不同的材質黎刺激幼兒，進而學習。而市面上亦都有不少以此為賣點既玩具/教具，今次果醬媽就參考左不少外國媽媽既Idea，整左以下既小玩意！ 1. colour matching+senory play 呢個係一個教BB MATCH顏色用既，用厚紙板做底，再貼唔同色既色紙上去，毛毛球係文具店買到架啦，因為BB仲細，所以買左最大SIZE既！而痴既話就用魔術貼紙，超好用！ 2. 數字遊戲 用粗既雪條棍+現成數字貼紙+磁石貼(12蚊店有售)+一些鐵既小物 暫時我用左萬字夾，仲搵緊D更可愛既小東西! 3. Colour & Shape matching Game 圖案係上網搵一D現成既PRINT出黎，其實最好既方法係過膠，一定可以用得耐D! 不過因為我無，所以用膠套，而D痴貼既圖案就用左卡紙托底! 其實屋企都有D入圖形既玩具，但因為出街唔方便，而呢幾個手作仔就可以入晒落個A4 ZIP BAG拎出街玩，好方便!