係未有photo wall之前，我地屋企係一張相都唔會放出黎架～連我同老公既合照、結婚相都冇放過出黎～～鬼叫我老公話鍾意家徒四壁既感覺，但⋯⋯而家日日係屋企，睇睇下覺得裕喬喬書枱上面好單調咁，又係時候車動動腦筋    材料好簡單，只要有部曬相機就可以唔出街都做到呀～～～ 材料： 麻繩 木夾仔 曬相機 保麗來相紙 無痕掛鉤     做法： 1. 最花時間係揀相～～一邊揀一邊曬相～～    2. 曬好就將木夾仔穿入麻繩；之後就度位放無痕掛鉤 3. 最後就放上掛好木夾串，再夾住d相就搞掂喇～有時間就可以係相上面畫埋公仔添          一個充滿著裕喬喬笑容既photo wall就係咁整好～～好彩老公放工番黎見到又冇話我唧，我當佢都鍾意架喇～全部都係我湊佢呢個零月影架，除左黑白相個張，因為我覺得影得太靚，忍唔住要放出黎～ 裕喬喬似乎都幾鍾意，食飯個時都要望住    P.S.:  1. 無痕掛鉤記得買透明膠底個隻，癡住先唔會太樣衰架。同埋癡錯位都可以撕走張膠再貼過 2. 如果想張相d色靚d，最好都係買番部印相機～ 我家裕喬的PAGE, 媽媽盡量每日UPDATE喲~歡迎大家like and follow~~ 亦都歡迎大家聯絡我地合作及試用產品～ https://www.facebook.com/JacoYK/