結婚生仔，好多人既計劃都係咁，但對於一位溫室長大既港女，要離開父母結婚，我用左一年時間心理準備????，我無誇張，真係試過係街同朋友食飯，講起不捨真係爆喊！???? 所以生仔呢，都唔打算一結完就生，起碼又俾一年時間我心理準備啦！???? 2人世界時間過得特別快，拖下拖下，自己今年都奔3????，都係時候計劃下生b。好怕同身邊朋友提起準備生仔，怕每個月俾人問，點呀，有左未？所以都係低調地順其自然咁率性地進行。 每月經期我都好準，最多遲3-4日，問過中醫，話遲5-7日都屬於正常。 到左5月頭，月經仲未黎，我諗可能我太緊張啫，係過左一星期後，買支驗孕棒返黎試下，無顯示懷孕，咁我就繼續馬照跑舞照跳，去染髮按摩。 雖然突然覺得每晚10點幾點就好睏(平時向12點幾1點訓)， 但都無特別為意。 如是者又過左一星期，又走去買2支唔同牌子既驗孕棒，17/5/2018朝早又驗，今次拿野啦！中個條線，仲實色過test個條線，入房叫醒老公，喊住話佢知，我地中左，佢問我做咩喊，我話我真係不知所措，無諗過會有b，咁點算，之後會好肥，你實俾說話我聽????????...佢除左安慰我，話唔會，大家就一齊上網搵下點做好！ 正路做法，搵婦科診所/家計會，我先同公司請假，再等9點打去之前做婦科檢查的診所預約，好彩有位睇！ 到診所，填完資料，就開始飲好多水，忍小便，原來為左照超聲波。老公陪我入到房，訓上床，醫生黎到，幫我肚超，後來上網睇，早期懷孕，醫生會用陰超。 5w6d就係我睇醫生當日胚胎既週數，用超聲波睇到一個胚胎，似粒腰果咁，老公太無想像力，醫生幫忙用線畫起成個bb俾我地睇????，胚胎仲未有心跳，大約8週就會有，所以過多2星期再黎睇醫生。為免家人空歡喜一場，大家決定等有心跳後，再向屋企報喜。 呢個秘密，日日返工放工，見咁多人，又要保護自己，又要扮無野，但日日眼訓到好似通左一晚頂咁！