成品!!!!!同泥膠既質感真係差不多 材料就係咁簡單, 而且係免煮法所以輕巧好多 下次試下熱煮法睇下個質地會唔會有異先 今次用左”中筋麵粉“, 效果唔錯播 油可以係最尾先落, 用意係令麵團潤D 如果玩玩下時覺得乾硬了都可以落1,2滴油搓番軟舊麵團 先將麵粉同鹽徹徹底底撈勻 係徹底同撈勻 咩事咁強調呢?!?! 因為鹽係好重要既大配角 佢就係決定到個黏力柔軟度 見到鹽同麵粉仲係各自為政嗎? 咁就係 XXXXXXXXX NONONONONO喇 NGNGNGNGNGNG!!!!!!!!!!!!!!!! 撈撈下既途中可以拖平麵粉睇睇 會清晰見到鹽粒分佈 (依D咪靚仔囉) 無論你用粗鹽幼鹽都一定睇到 因為麵粉粒子一定比任何品種既鹽更幼細 當見到分佈得咁靚後就可以加水去撈喇 我用熟既室溫水 其實無需要熱水,所以任何凍水都可以 既然整得天然泥膠都係怕BB會食到所以好自然都用煲過既水 其實問題不大沒有影響,你可隨意用咩野既水都OK 逐少逐少加水,慢慢撈成一團 最後就會搓到一舊麵團出黎 最完美版本係不黏手而且冇裂紋 咁樣既濕潤度就係岩岩好喇 適量既搓次係會令麵團增加黏合性 而過度搓就會道致更硬同乾裂 所以要自己感受一下覺得個拉力似泥膠就要收手了 之後再搓成條狀 均等分出你想要既份數 然後就可以加入食用色素 光學3原色紅黃藍足夠你溝出唔同既色 由淺色開始,咁就唔會將手上既色素反搓落更淺色既麵團上 每次落一滴, 搓完後覺得唔夠色再加再搓 唔好一次過落太多, 麵團一下子吸收唔切就會整到成手都係 岩色後就用保鮮紙遮一遮再整其他色了 整好晒喇, 想盡量保持濕潤就用保鮮紙包好再放入盒封蓋 大功告成~~~~~感覺視覺都幾似泥膠