Babies G就黎1歲啦! 老公覺得出去影cake smash麻麻地… 咁就一於黎個cake smash DIY at home啦!!   當然唔少得個蛋糕啦!!! 之前係日本買左盒BB蛋糕粉~~ 超簡單製作，但都有少少tips同大家分享~~   盒內有齊模，蛋糕粉，裝飾忌廉粉，吱咀 & 吱袋各1 而自己可以額外預備生果，用黎裝飾，我仲蒸左紫薯蓉!!   先將蛋糕粉加50ml奶直接在模內拌勻， (BB未試過牛奶，所以我地都係用奶粉開奶mix~) 拌勻後，將蛋糕模拎高「凳」落台面，令空氣可以「凳」左出黎   按指示用微波爐叮好， 或者好似我地冇微波爐就放入蒸爐蒸12分鐘 蒸好後，要等蛋糕冷卻先再加工   裝飾忌廉粉同樣用50ml奶打發好，無論開奶粉/牛奶，都先將奶雪凍， 會比較容易打發，人手打大約幾分鐘就打好了~   將冷卻好的蛋糕一開二，再按喜好塗抹忌廉，加生果/紫薯蓉裝飾即成!!       蛋糕ready!!! 幫babies 換好衫~ set 好個場 (只係拉左條絲帶 & cake standXD”)   準備好晒…. 都知佢地要warm up下同個蛋糕….   但估唔到個蛋糕零吸引之餘…bbs超抗拒!!!! 好似有毒咁~~~~ 喊晒口….   Hi D Cream俾佢地試下… 哥哥最後都成功掂左幾下…食左粒士多啤梨…   妹妹….完全no way!!!! cake smash宣佈失敗左hahahaha~~   老公話好彩冇book出去影….. 搞完一輪….沖涼食奶訓覺，係屋企勁方便玩完即沖涼!!!   ---------------------------------------------------------------------------------------- facebook page : 龍鳳Babies G & 孖媽Gloria| 想睇更多Babies G生活照: https://www.instagram.com/babiesg_mamagloria 邀稿/合作: twins.babiesg@gmail.com