副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

係咪做人阿媽太易喊?邊個阿媽會捨得阿b大咁快?

話咁快就到12月啦,我呢個新手媽媽都做左16個月,好快就無得自認新手啦...

話咁快就到12月啦,我呢個新手媽媽都做左16個月,好快就無得自認新手啦... 可能日日都望住蠔豉妹妹,所以我又唔覺得佢大得好快~ 點知呢排開始搵返啲冬天衫出黎既時候,我就發現真係大個左好多好多!   之前我聽人講bb大得好快,所以上年既冬天我都已經買定80碼or12-18mth既衫,上次著鬆到一個點之時,今年著又緊 :p 呢件下面啲啪鈕啪完迫到呢...~   呢件就快變成露肚臍~ (其實仲有好多工人姐姐以為啱著點知一著就出事 :p)   除左啲衫証明蠔豉妹高左、大隻左外,呢本相簿都令我超級感觸...我做左人阿媽後好少事都好想喊係乜事~~ 收到嗰下都無乜野,點知蠔豉妹妹坐定定咁睇既時候,我就忍唔住流眼淚... 我真係覺得時間太快,之前一嚿飯既佢,宜家佢竟然坐係到睇相簿,每掲一頁佢都會叫BB!有幾頁有我地既又會指住叫爸爸、媽媽,之後對我地笑...(其實打到呢到我又喊緊!乜料...)   我真係好唔捨得,點解會大得咁快? 睇返就好似早幾日仲陀緊、生佢出黎~ 內頁有寫返蠔豉妹妹出世時既資料,媽媽其實已經唔記得佢有幾重 :p   之後返屋企第一日、一個月大   第一次食糊   第一個聖誕、新年   仲有好多值得回憶既相我都放左入去呢本相簿~ 可能係唔夠環保、可能係有啲大本,不過,可以同BB一齊回味真係好值得,我唔知蠔豉妹妹係咪好快唔記得BB嗰時係點,但我會成日提佢,希望成日睇住呢本相簿都唔會嫌悶~   最後一頁我特登留吉,我想自己親筆寫,親筆記得我有幾愛呢個女子 :) 大家都快啲整返本,個人覺得比起結婚相簿更值得整!   Facebook : 80後的人妻「旅」友  &  蠔豉妹妹之貓奴生活 Instagram : https://www.instagram.com/wingring 合作/邀稿 : wingring417@gmail.com / wingring@ymail.com