副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

親子共食!12m+煎/焗肉餅

蠔豉妹妹已經就快17個月大~

蠔豉妹妹已經就快17個月大~ 係我眼中,已經由一個BB變成一個偽小童 :p 宜家每次係我地大人食飯既時間,佢都要一齊食我地啲野~ 如果係屋企的話,我地都會俾下白飯、蒸水蛋、煲湯料佢食下~ 每次食就會有一個好得戚既樣咁 :p 睇黎,好快就會變成一個小吃貨! 亦都因為蠔豉妹妹都算幾enjoy我煮既野,所以我都算有動力去試下不斷做啲新菜式~   今次就將我由細到大都鐘意食既肉餅變成蠔豉妹妹啱食既! 材料: 南瓜 8分1個 雞肉 150g 蛋白 1隻 洋蔥 4分1個 生粉 適量 鹽 少量   雞肉要切粒後再剁,剁到咁上下就ok~ 南瓜、洋蔥就有咁細粒切咁細粒~   將洋蔥、雞肉、南瓜、蛋白攪拌~ 鹽就呢個時候決定落唔落~ 如果剁到啲雞肉有啲起膠其實唔落生粉都可以靠蛋白痴實~我就落左大概一湯匙先痴得實~   之後就將佢地變成一個個迷你肉餅~ 大人嗰份就加左少少鹽同埋南瓜份量少啲,因為老公麻麻地南瓜~~   整好晒就可以煎或焗~ 煎既就用易潔獲,落少少油,用細火煎每邊大概3分鐘,之後轉中火煎到金黃色就ok~   焗既其實我又係用我呢期既最愛~美的免油炸寶~ 200度預熱5分鐘,之後180度,5分鐘,再翻面多8分鐘就KO~ 完全無落過油~~   最後,大人、細路通通清晒!   有時食得太多蒸、烚既野會悶,所以每星期都有一餐煎、焗下俾蠔豉妹妹等佢愛上進食~~   Facebook : 80後的人妻「旅」友  &  蠔豉妹妹之貓奴生活 Instagram : https://www.instagram.com/wingring 合作/邀稿 : wingring417@gmail.com / wingring@ymail.com