早排一田大特價，買到個雪櫃塞爆左⋯⋯而家要慢慢清番先再擺到其他野喇⋯⋯先先清左盒蟹先～～又要裕喬喬食得，最好都係清淡少少，配埋個菜啦～～～又係唔落鹽都得，食番蟹肉既味道～ 材料： 蟹肉 1pack  食剩金菇 少少（唔落都得） 粟米 適量 （唔落都得） 西蘭花 1個 胡椒粉 少少 粟粉 1湯匙 蛋白 1個 水 適量    做法： 1. 切開西蘭花，洗下同浸住佢先 2. 蟹肉起肉、金菇切碎 3. 滾水落少少油，加入西蘭花灼5分鍾就撈起舖碟    4. 將蟹肉、金菇、粟米、胡椒粉、粟米加入水中煮，煮到自己鍾意既稀稠度就加入蛋白熄火   5. 將蟹肉獻汁淋上西蘭花度就搞掂喇～～     P.S.: 1. 海鮮好易敏感呀，記得試左冇敏感先俾寶寶食呀 2. 用新鮮蟹肉都可以，鮮味加倍～～ 3. 唔夠味既話，可以加鹽煮～～但我俾裕喬喬食就冇再加鹽～淡淡地都OK 開始識用筷子就食慾都大左，一開始就夾 西蘭花先～～   再黎就成梳蟹肉放入口～～yummy~~~     我家裕喬的PAGE, 媽媽盡量每日UPDATE喲~歡迎大家like and follow~~ 亦都歡迎大家聯絡我地合作及試用產品～ https://www.facebook.com/JacoYK/