副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

【深夜有感】跟嫲嫲上學去

今日第1次嫲嫲單拖湊心怡番學放學,出門前不停同心怡洗腦陣間要拖住嫲嫲,嫲嫲同囡囡番學,過馬路要抱住等... 依家諗番起都覺得自己可以試下放心多少少!

今日第1次嫲嫲單拖湊心怡番學放學,出門前不停同心怡洗腦陣間要拖住嫲嫲,嫲嫲同囡囡番學,過馬路要抱住等... 依家諗番起都覺得自己可以試下放心多少少!???? 從未試過俾嫲嫲帶心怡單獨出街,因為嫲嫲湊仔經驗有限,所以有各種嘅擔心同因素。上星期去完泰國旅行後,幾日都有試過等嫲嫲拖住心怡行商場,見到嫲嫲都ok嘅。佢會見到心怡有咩唔對路扭就一野抱起佢???? 分離從來不易~~~~~ 但遲早都要學識放手,或者我應該都要慢慢放鬆啲,今日咁岩爸b同我都要番工,就試下啦!送到心怡佢地落樓之後,心怡拖住嫲嫲回頭望我,叫媽咪呢,嗰下真係有唔捨得同覺得對佢唔住咁,望住佢地嘅背影唔捨得離開,有啲覺得自己似痴漢???? 深呼吸一啖... 好!去學校報名先! 望鐘10點,應該入左班房喇掛,忍住唔打電話俾嫲嫲住,過多幾個字終於聽到嫲嫲電話,話抱住心怡行多,仲搭多個輕鐵站,唔駛行咁耐。心怡見到學校門口有啲呆豬,入班房前喊左2聲,可能無番成個星期,突然唔習慣????但係有老師喺度都安心,因為通常有辦法按撫到佢???? 同埋衰妹見到同學仔玩,佢會好快冷靜同投入! 放學接送時間,原來爸b都好緊張嫲嫲第1次情況打電話了解,知道順利平安番到屋企同準備食lunch,太感恩!好野嫲嫲,今日總算順利平安!叻叻!!     (圖文的日期不同) 我都明嘅,如果有我地2個喺度,嫲嫲好多時都會無咁叻豬,可能有壓力,哈哈!但見到佢無咁精伶湊心怡,都梗有啲擔心架! 呢個係一個好好嘅經驗同學習放手嘅感受,相信心怡愈大我地嘅緊張亦會少啲少啲再少啲,所以要好好紀錄依家新手爸媽呢種痴漢緊張!