聖誕節各個商場都出展法寶，整咗唔同嘅聖誕裝置。到到都咁吸引，今次我哋嚟咗新界天水圍區嘅T Town。大耳查布嘅卡通片你哋又睇過未呢?數下手指，好幾年前三色電視台都有播放過。大大隻耳仔，思想簡單嘅大耳查布，真係好可愛。故事入面，主要人物都係「大耳查布」同埋「鱷魚先生蓋拿」。由即日起至2019年1月2日，只要去到新界天水圍嘅T Town，就可以見到大耳查布啦。商場到處都會搵到「大耳查布」嘅公仔~~馬戲團聖誕裝置位於商場南翼地下。鱷魚先生蓋拿「彩繪投影」揀自己想要設計嘅人物，有獅子、豬仔同埋狐狸。 和牛B揀咗狐狸，就可以坐好開始填色創作了~創作好後，拎俾工作人員掃描。自己創作嘅人物，就會出現喺大屏幕上面啦~~和牛B超開心，追住自己嘅人物跑~限量「DIY聖誕星星燈」，有三個款，三個都咁靚叫人點樣揀呀?!!限量「DIY聖誕星星燈」，夜晚開著燈，真係好靚好浪漫~喺推廣期內喺T Town憑即日消費，就可以玩夾公仔一次~夾起嘅公仔，會送返相對應嘅禮物俾你~聖誕老人獎品已經全部換售罄~得返雪鹿(檸檬茶)、聖誕樹(薯片)、雪人(朱古力)Lucky~~夾到三份獎品~~門票換領:在推廣期內7天喺T Town累積電子消費指定金額，憑商場內不同商戶發出之電子消費及機印發票正本最少2張及最多4張，即可換領以下門票;尊貴門票，我當日去到已經全部換罄了…奇妙門票: 累積消費金額$800或以上，憑票可參與「彩繪投影」及「聖誕禮遇」。持票者仲可以獲得限量「DIY聖誕星星燈」一盞。 天瑞商場限定換領活動: 於領展天瑞商場消費滿$400或以上，即可換領精美聖誕禮物包一份T Town近通超方便，喺輕鐵頌富站旁邊。商場仲有好多舖頭同食肆，真係唔需要擔心係荒島。【大耳查布聖誕馬戲團 @ T Town 】日期：2018年12月1日-2019年1月2日時間：1pm - 9pm地址：新界元朗天水圍天華路30及33號T Town--------------------------------------------------歡迎聯絡我&和牛B: chungying56@hotmail.comFacebook專頁: 和牛B嘅成長專頁Instagram: wagyubmami            --------------------------------------------------姊妹合作**Precious M accessories**利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。