[限時活動] 香港歷年最大型恐龍主題嘉年華「恐龍冒險王國」 「大棠有機生態園」我哋之前都嚟過幾次， 而今個冬季，有機生態園就以「恐龍」為主題，舉辦咗「恐龍冒險王國」大型室外嘉年華，同大家歡度聖誕及新年！ 今日我哋就嚟玩轉恐龍冒險王國！   話明嘉年華，當然有唔少攤位遊戲俾大家隨時帶走大大小小禮物啦！臨走前，我哋都中咗個大獎同細獎 (掟波波喺最易中架)！！不過大獎由原本送大恐龍變左送中恐龍>< 另外，園內仲有多個大型充氣遊樂設施，一家大小齊齊玩！         講到最搶眼????，就一定係園內5隻逾3米高的大型機械恐龍及3隻由真人扮演速龍，定時喺園內穿梭，小心被隨時出嚟嚇你一跳•﹏•         嗱！嚟得玩，必定要入埋恐龍王國冰雪館，睇恐龍冰雕「恐龍園地」同充滿聖誕特色的「聖誕老人村」及「荷蘭小鎮」啦！仲要玩埋長達21米嘅冰雕滑梯！雖然堅係凍，但超。好。玩。耶！(小b瘋狂來回滑)       仲有，近門口位，有以四季為主題的花牆，selfie打卡一流，唔好錯過喔！     有咁多刺激又好玩嘅玩意，嚟緊聖誕長假期，不如你哋都搵日帶埋小朋友去玩個夠啦！   日期: 2018 年月12月14日至2019年2月10日 時間: 早上9時至下午6時 地點: 元朗大棠「有機生態園」 票價: HKD 80– 包門票及《恐龍冒險王國》代幣6個 HKD 120 – 包門票、《恐龍冒險王國》代幣6個及大棠有機生態園門票 HKD 690- 包4張門券，包括VIP襟章及禮品套裝(數量有限) 交通: 大會將提供免費穿梭巴士往返「朗屏西鐵站」(近B1出口)及《恐龍冒險王國》 官網: http://www.facebook.com/hkdinokingdom/