副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

想book瑪麗醫院生仔 首次政府產檢於贊育醫院

原來懷孕在政府醫院睇係完全免費的!

原來懷孕在政府醫院睇係完全免費的!   [如何計懷孕周數] 懷孕周數, 是由對上一次月經來的第一天計算, 而非用排卵當日計的.   [ 懷孕數周後約贊育醫院] 因為太心急想check 自己BB 有無咩問題, 所以係week10 己經約左係私家度做Nifto Pro, 要1星期先有report 仲可以知道埋係仔定女. 係仔黎既~ yeah.   [想去瑪麗生] 好多朋友話瑪麗生小朋友最安全. 因為瑪麗有全港最齊既設備. 所有新生BB 如果有咩大問題都會送去瑪麗既. 所以我想book 瑪麗醫院. 但原來想係瑪麗生, 係要先去贊育醫院book 嫁, 所有講座, 測試都係贊育做, 到生既時侯先係去瑪麗醫生嫁... 所以大家去book 既時侯, 唔好去錯瑪麗醫院book 啦.   [首次到贊育醫院登記] week 7 度我就帶左以下文件到 贊育醫院 (香港西營盤醫院道 30 號)  (1) 自己身份證 (2) 老公身份證 (3) 懷孕證明 (記得叫私家醫生寫懷孕證明比你, 呢個係最重要既) (4) 住址證明 (上網話以銅鑼灣或灣仔做分界線, 係左邊先可以去瑪麗, 係右邊就要去東區醫院, 我個地址係銅鑼灣, 所以交既時侯都好緊張, 希望佢比我過. 所以我對佢地既態度勁好, 勁有禮貌, 好彩得左!) (5) 如已做T21/ Nifty Pro 帶埋報告  (6) 如有做過超聲波, 帶埋 (最好所有有關婦科既文件, 放同一個file, 到時全部交比姑娘就Ok)    去到既時侯, 只係需要係一入門口, 左邊的counter 度同佢講想Book 時間. 佢就會睇你1-4既資料, 然後約時間. 我約左week 14 去見姑娘及醫生. 因為佢話最好有埋Nifty Pro report 先見好D.   [Week 14 首次贊育醫院見醫生] 約左9:30,am 但我成10:30先到 =P 一去到, 就要去入面個counter度交野, 又係要番上面果6項. 但我無帶老公身份證附本, 但佢地話下次帶都無所謂, 我就比左老公身份證既相佢對住先 而Nifty Pro report 我係拿唔切的, 因為當日私家醫生唔洗番工....因為上次姑娘打過比我, 話我知我Nifty Pro report 咩事都無, 贊育姑娘都係Mark 番資料.   同時, 姑娘有幾份野要我地填, 原來問卷想知你有無食煙呀果D , 係想搵人幫你做心理輔導, 所以, 有無飲酒/食煙可以唔洗咁認真咁寫. 填完就度高磅重及驗小便 (好彩我本身有D 急, 又未去厠所姐)  好快就見到姑娘, 對哂所有野, 問你以前做過咩手術等等問題. check 完個問卷, 就無lu. 再出番去等. 再叫我既時侯, 就可以見醫生. 醫生好年輕, 而側邊座左位年輕男子, 原來係讀緊醫科學生. 醫生叫我瞓上牀, 要幫我check 乳房同部機聽小朋友心跳, 我要求醫科男生唔好入黎, 因為好尷尬 聽到小朋友心跳好奇妙. 跳得快到, 我怕佢個心有事hahha 之後再坐番出去等, 就係約下次見面時間, Week 16 再見過醫生.   緊記: 去前要買小食/ 帶暖水, 因為果度只得買飲品機, 仲要得凍飲, 附近係買唔到食物的, 要行到好遠先有 我無帶水, 只能買凍水飲....