士多啤梨收成喇！ 超級爆甜！又多汁！入口即化超好食！正常size都好甜呀～都搵到幾粒大粒嘅～如果心急想食又香又甜嘅士多啤梨都可以去摘啦！想摘大粒嘅就遲啲先去啦 粉嶺站(東鐵)C出口，一出就見到小巴站，唔駛等！已經有兩架52k！乘52K專線小巴至坪輋$6，係雲泉仙館下車(約15-20分鐘車程）,另外一個方法喺上水搭九巴79K，不過上網睇過半個鐘先一班車，仲要搭23個站，所以搭52K係最方便快捷！ 一落車過對面馬路就係雲泉仙館，交通都幾方便！士多啤梨園就係雲泉仙館後面，可以順便食素菜,不過想食就早啲，雲泉素食中心，開11:00-15:00 行入去雲泉仙館～沿路好多花花草草，環境清幽～ 一路靠左邊行，大約行3分鐘左右 轉左邊就見到個小市集喇～買涼果嗰啲嘅～ ee好落力叫你過嚟試食，平日應該好少人黎 小市集轉右出去就見到兩個大招牌啦！ 呢度有兩個士多啤梨農莊㗎～ 一個係我今次去嘅>阿方優質士多啤梨自摘園 另一個左手邊嘅行遠少少>老徐農莊士多啤梨園 沿着小路行入去，由車站行過嚟大概5分鐘到達！ 自己攞個籃就可以開始摘啦！ 都幾大呀～ 仲有新鮮蔬菜！ 一行入嚟就搵到粒勁大！ 小朋友已經識用鉸剪啊！自己剪～勁開心！ 你睇吓粒士多啤梨，成隻小朋友手掌咁大！ 仲有好多BB 㗎～可以摘到四月啊～ 睇吓有冇啲大粒先～ 細粒同一般size，顏色好靚紅卜卜，一啲都唔酸，仲要勁甜！ 嘩！見到有個心型㗎～ 記得剪士多啤梨嘅時候，剪晒條梗留番啲葉就得，葉嗰邊向下放一粒粒排好，就冇咁容易爛啦！ 好開心！親親大自然時間～ 哈哈！話咁快就滿左一盒！ 好香！流晒口水呀！ 呢度冇嘢玩㗎！淨係摘士多啤梨，但係小朋友都好開心～ 仲有好多士多啤梨未成熟㗎！遲啲可以再嚟摘過～ $68磅，呢度有二十幾粒，摘左$110 免費入場，摘幾多俾幾多就得～ 即刻洗幾粒食下先！ 嘩！估唔到！超好食！好香又甜又多汁～ 超級滿足！唔使再食超市買嗰啲又酸又硬啦！我食緊嗰粒一般size，田裏面仲有好多～都唔細粒！ 拎返屋企慢慢品嚐！ 超大嘅有幾粒，其他都好大粒架！ 小朋友食到唔停口呀！哈哈！ *戶外地方好多蚊吱仔，記得做好防蚊措施！ 阿方優質士多啤梨自摘園 地址：新界粉嶺打鼓嶺坪輋路雲泉仙館後門(太歲殿)停車場則 網頁：http://www.yl.hk/afs/ 收費：免費入場 士多啤梨$68/磅 時令月份：12月至4月   影片分享： https://www.facebook.com/1028553953955138/posts/1491559214321274/