雖然我同米豬都好返晒, 但係米豬仲係有好多痰呀~ 間唔中仲有小小鼻涕tim~! 日日都要捉住佢捉毛毛蟲, 所以都係煲返個靚湯清清d菌佢先~!!   材料: 魚翅瓜 1個 栗子 半磅(去殼) 粟米 1條 無花果 2-3粒 豬展 1個(我買咗60蚊)   做法: 1. 豬肉同栗子凍水落煲, 跑活水後洗淨備用   <-真係好污糟呀~!! 2. 魚翅瓜開半後切6-8件, 粟米切件 3. 湯煲落大約2-2.5升水, 煲滾後落晒全部材料 4. 中火滾15分鐘後轉細火煲2個鐘, 飲得 你唔需要落鹽, 因為已經好甜好夠味~ 米豬試食時間~ 入咗5安比佢, chur聲啜晒~ 結果0個晚總共飲咗十安湯~~  第2日翻熱飲多幾安, 鼻涕蟲都走晒嚕~~   煮食小貼士: 1. 魚翅瓜清熱解毒, 啱晒感冒後飲 2. 栗子要同豬肉一齊跑活水, 因為栗子係用機打, 咁啱出一出水就再乾淨d喇~   米豬豬的page~ 每日都update~  歡迎各位like&follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/