未做媽媽之前，份人咩都無乜所謂，無要求、無大志、無原則，咩都是是但但，得過且過。做咗人媽媽之後，咩都好緊張、好講究，bb每一個反應、動作、表情都要知點解。 ． 陀住佢嘅時候，會諗，生完我就自由喇、解放喇。可以去旅行掉低佢比人湊，我可以食三文魚，可以做番運動，快快回復美好身段lol 點知而家係…我一步都離唔開佢，望少佢一眼都心掛掛，我一日食五餐，養到自己肥肥白白，要過最好嘅營養比佢，減肥？乜嚟㗎?.?以前鐘意食嘅嘢，若果食完係對阿b唔好嘅，些少都唔敢食。 ． 初生bb好柔弱，從佢出世到而家，要不斷留意住佢既身體狀況，步步都行得營營役役。黃疸指數、肝功能、心雜音，每次聽到陌生既醫學名都心驚膽跳，即刻上網research/周圍問人。每一日每一個夜晚，都總有啲新嘅事情會出現，由開始手忙腳亂到而家學識要冷靜，研究又研究、嘗試又嘗試，一個個拆彈，所以新手永遠係新手。呢個時候，覺得媽媽谷好有用，大家係同一個階段面對同一堆狀況，每一個零晨總有人陪自己一齊餵夜奶，真真正正嘅共勉之。 ． 加油阿新手媽媽們！呢個時候又要講句，bb，媽媽真喺好愛好愛你，愛到沒了自己了啦。（打完呢篇又夠鐘餵奶） ． Facebook: Mylittlesunson Instagram:littlesunson1120 Email:littlesunson1120@gmail.com