咳咳咳, 咳咗成個月喇... 我講緊米豬同米豬爸爸呀... 米豬就埋尾ga na, 係訓醒時硬係要咳返十零分鐘, 爸爸就咳到訓唔到, 又到靚湯出動~!!   材料: 合掌瓜 1個 粟米 1條 栗子(去殼) 半磅) 鮮百合 2個 乾無花果 2粒 川貝 半湯匙 豬展 1個 (今次買咗50蚊)   做法: 1. 栗子洗淨, 豬展洗淨切片, 加薑片同蒜頭跑活水後洗乾淨備用 2. 粟米洗淨切件備用 3. 川貝用匙羮顏碎 4. 百合切蒂同埋頂燶燶地d位, 逐片撕開, 洗淨備用 5. 湯煲放大約2.5L水, 水滾後落所有材料, 大火滾15分鐘後轉最小火煲2個鐘 6. 咩都唔駛落, 飲得~ (大約會煲到8飯碗咁多湯)   米豬飲湯湯時間~ 大個仔要學媽媽不湯飲呀~ 不過當然天一半地一半啦~ 等媽媽餵啦~ 餵吓餵吓, 餐前一碗餐後又一碗~ 0個晚係冇咳到wo~~   煮食小貼士: 1. 栗子係用機打去殼去衣, 所以跑一跑活水就乾淨d~ 2. 百合性平, 潤肺止咳, 仲可以安神, 所以米豬半夜冇咳醒, 第2日仲訓到9點半~! (爽~!!!) 3. 川貝可以化痰止咳, 配埋百合一齊就相得益彰喇~ 4. 記住記住記住: 傷風感冒期間唔好飲呢D老火湯水, 因為會增加脾胃負擔啊~ 好到7788就煲得喇~ (我個中醫係咁同我講的)   祝大家身體健康~   米豬豬的page~ 每日都update~  歡迎各位like&follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/