副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

從新手爸爸到神隊友(育成篇)

蠔豉妹妹就快1.5歲啦! 

蠔豉妹妹就快1.5歲啦!  新手爸媽其實都唔再新,好快就要迎接trouble 2 :p  今篇其實係想講下蠔豉爸爸有幾勁~  當然,每個人育兒方式都不一樣,我地都有互相睇唔順眼既時候,但大部分時間蠔豉爸爸都好好~    1. 換片、餵食  大家有留意就知,換片呢個item一直都係工人姐姐同蠔豉爸爸既主要職責 :p  佢換片其實仲多過我,唔好理著得快定慢,肯換就係好爸爸!    沖奶、餵奶、開糊、餵飯都一樣無問題~   由於蠔豉妹妹最後都係行返傳統餵食,不過健康長大就ok~   平日出街我地都係一個餵時,另一個快快食~ 我估各爸媽都明係一個咩情況~~    2. 氹訓覺  單係呢樣,我已經當蠔豉爸爸神咁拜!  只要一張被再加上爸爸抱,蠔豉妹妹就訓到~  而媽媽我完全無用,我只會令蠔豉妹妹成個人醒晒,到底乜料?  平日星期五、六,或者旅行時既半夜,都由蠔豉爸爸負責 :)    3. 湊住出街  因為工作關係,我成日星期六、日先黎返工... 蠔豉爸爸就會自己一個帶妹妹出黎探我~  又或者接我放工去食飯、去玩~  佢自己一個湊住蠔豉妹妹,再孭晒用品都無問題,只會口頭上ee哦哦話好重 :p    4. 陪玩  每日晚上,只要蠔豉爸爸唔洗OT,佢都會陪玩!  有時我同朋友聚餐,蠔豉妹妹、爸爸都會一齊,蠔豉爸爸仲可以陪埋其他小朋友話,1對2-3都無問題!  當有呢種情況,我就會叫我啲朋友狂讚蠔豉爸爸! 等佢覺得自己好勁,真係神一樣 :p    講真,一個小朋友,爸爸媽媽都有份,當世人覺得媽媽做到以上情況係應份既時候,爸爸其實都應份要做到。 不過,與其話應唔應份,不如互相欣賞、讚賞一下。  媽媽想有人讚佢付出既一世,爸爸又何嘗唔係?  媽媽付出時間陪小朋友,爸爸都付出時間返工賺錢,互相欣賞一下就足夠。  曾經有朋友同我講,一個男人好唔好,生完小朋友就現真章,我感激呢2年幾,由我大肚後,蠔豉爸爸所付出既一切,佢嗰種俾我去衝、去闖,佢自己又要返工,但又會見我辛苦黎做義工幫我既心,真係令我好幸福。 多謝你~   Facebook : 80後的人妻「旅」友  &  蠔豉妹妹之貓奴生活 Instagram : https://www.instagram.com/wingring 合作/邀稿 : wingring417@gmail.com / wingring@ymail.com     <br />