裕喬喬中左甲型流感第一日根本乜胃口都冇⋯⋯淨係肯食奶⋯⋯夜晚煲左粟米肉碎粥都淨係食左幾啖⋯⋯肉赤死阿媽⋯⋯所以煲粥之餘都煲埋湯，等佢唔食野都有d營養落肚先～～ 冇乜胃口，梗係要喚醒個胃，煲番個甜甜酸酸既蕃茄薯仔湯最好喇～～材料簡單又易吸收到營養，咁先有力量去打敗病菌架～～ 材料： 黑毛豬肉眼 1大舊（約$40） 紅蘿蔔 1條 粟米 1條 蕃茄 4個 薯仔 1個 佛手瓜 1個 洋蔥 1個    做法： 1. 將舊肉眼洗淨出水待用 2. 將所有蔬菜去皮切粒 3. 跟住將所有材料放哂入煲，加水煲約1.5-2小時就得喇～～    P.S.:  1. 粟米鬚有利尿泄熱既功效，所以通常我都會掉埋去煲湯，只要切左啡黑部分再沖下水就得喇 我家裕喬的PAGE, 媽媽盡量每日UPDATE喲~歡迎大家like and follow~~ 亦都歡迎大家聯絡我地合作及試用產品～ https://www.facebook.com/JacoYK/