正當裕喬喬好得7788，味覺開始番番黎，咁就成日都要食炸野⋯⋯明明病左個幾日都好好餸，有金菇肥牛卷、煎豬排、蜜糖雞翼⋯⋯咁今日一於整濃味少少既日式咖哩飯氹下佢啦～～ 日式咖哩飯唔難，前端步驟亦都係一齊煮，只要最後落調味分開就變成親子共食既一道料理啦～～ 林料： 紫洋蔥 1個 細甘筍 2條 薯仔 3個 蒜頭 1粒 低納雞湯 1盒 （1L) 牛小排 2塊  日式咖哩磚 （大人食） 日式咖哩粉 （過1歲寶寶食） 做法： 1. 將牛小排放入冰箱雪約2小時至半冰狀態 2. 將半個洋蔥、甘筍、薯仔去皮切粒粒；另外半個切塊狀；蒜頭切成蒜蓉（本人有點無聊就印左d魚魚甘筍片）    3. 開鑊落油炒香洋蔥粒粒，跟手再落埋蒜蓉炒 4. 炒到洋蔥開始變透明後就可以加入甘筍同薯仔炒2野，之後就可以加入雞湯，滾後收細火炆半個鐘就熄火焗下（因為我未食住，即刻食可跳落下一步），食前半個鐘再加埋片裝既洋蔥煮一陣，咁就食到一片片既洋蔥喲      5. 牛小排雪左半冰狀拎出黎切開一粒粒待用 冰左喇～～    勁易切成一粒粒，唔駛3分鐘就搞掂  6. 臨食之前將裕喬喬個份既蔬菜分開，加入寶寶食得既咖哩粉，通常一包我都分3次用，淡少少但都好好味 就係呢隻係日本買番黎既寶寶咖哩  份量唔多，但夠佢食喇～～   6. 大人食既就加番平時食個隻咖哩磚，煮溶佢就得喇    7. 最後煎香牛粒～～因為咖哩已經好有味，牛粒我完全零調味架～（又可以偷懶）大人食生d就早少少拎起，裕喬喬個份就要全熟就由佢煎耐少少就搞掂～     前面係裕喬喬既，後面係大人食既～  8. 最後將飯、咖哩同牛粒放好就完成喇～～    可以開動喇～～～我唔客氣喇！！   P.S.: 1. 如果唔想麻煩，可以買現成和牛粒，但感覺較肥同埋似注脂牛/合成牛咁，所以我都係鍾意自己買牛排番黎切粒 2. 咖喱的辛辣感可刺激唾液分泌，原來能紓緩感冒引起的咳嗽及喉嚨痛徵狀。希望裕喬喬食完快點好番呀 我家裕喬的PAGE, 媽媽盡量每日UPDATE喲~歡迎大家like and follow~~ 亦都歡迎大家聯絡我地合作及試用產品～ https://www.facebook.com/JacoYK/