只要揀咗QE生嘅朋友們，第1次見完助產士後會有個產前門診編號，有咗依個編號就可以喺網上預約系統度報產前講座。QE嘅講座有分喺QE姑娘負責講/小童群益會職員嚟講，亦都有啲實習類嘅班，例按摩、玩FITBALL之類。通常後面兩樣係位比較少，成日爭崩頭，所以要留意開放報名嘅日子，嗰朝10點就即刻login報名。 　 「BB哭鬧怎麼辦」係由小童群益會姑娘講嘅。以下我recap返一啲內容重點（同埋加入咗我一啲個人意見啦，我都分唔清邊啲係講座內容邊啲係自己意見喇）： 　 陀BB辛苦、生BB辛苦，但其實湊BB先係最辛苦。好多時BB喺度喊，真係完全唔知佢做咩喊，原因可能包括： 肚仔餓 > 餵啦 疴咗尿、疴咗屎 > 換片 鼻塞（食奶時聽到透氣好嘈、唔暢順就係了，因為食奶時要用鼻抖氣，會較易發現） > 濕少少干棉拉長幫佢通一通個鼻 太熱/太凍（摸佢後頸位最準）> 調節衣物 有風頂住 > 抱起掃下風 腸絞痛 >用橄欖油按摩肚仔/熱毛巾敷下肚仔 　 提到腸絞痛就講一講「百日哭」。有說法話百日哭係因為頭3個月BB身體器官，尤其啲腸未發展成熟，所以會覺得唔舒服，令到佢地不停喊，過咗3個月後就開始發展成熟，無咁唔舒服就會喊少咗。 　 BB喊到底應唔應該抱？ 依個真係唔同人有唔同講法，我就主張抱嘅。雖然話一喊就抱好驚縱壞BB，但講座提到一樣野叫「安全依附型」，指如果BB感受到父母對佢嘅關懷，令到佢覺得有安全感，咁會對佢日後情緒發展係有正面影響。同埋亦有講法話初生B其實好直接，喊出嚟好多時係真係有野唔舒服要我哋大人去跟進，而唔係純粹扭下計。 　 其他參考影片： 寶貝哭鬧討抱-到底抱還是不抱?  [推介❗️] https://bit.ly/2Sp6BDO 寶寶哭的十大原因（上）　 https://www.youtube.com/watch?v=c3NlTo0vY7I 寶寶哭的十大原因（下） https://www.youtube.com/watch?v=4PBQCUp9hTM 　　 #新手媽 #大家討論下 #我唔係一定岩架 #各有各湊法 #戴定頭盔先 #產前講座 FB: https://www.facebook.com/bigbigmami/ IG:  https://www.instagram.com/bigbigeveryday/