我小朋友1歲啦！由懷孕初期已經keep 住搽野但依然爆紋！！諗住生完食多啲膠質食物搽下去紋膏會好啲，唉！一年過了肚紋完全無淡過，之前老公都會安慰下我話遲啲無㗎啦，唔好咁擔心，但我發覺佢係口不對心唉，我地帶個仔去游水，老公望到著比堅尼個啲女仔同又望下我個肚（雖然佢無開口嫌但我個心好難受，個腦不停諗起呢年幾，衰佬真係無咩點攬住我條腰，唉，差啲響泳池度喊岀黎。。。。。 而我個漏氣皺皮肚⋯⋯我真係好想同佢絕交，希望真係可以去到我啲肚紋啦。第一次上去，初初有啲緊張，一去到就有顧問分析及講解，感覺幾專業，雖然佢地講我個肚有機會留色素，可能要成個月先退，不過我都要試一次，入到房治療師都好細心，不段叫我放鬆啲，真心成個過程都有啲痛。 打完之後都紅左3，4日，不過啲蕉成2個幾星期先退晒，見今日冇咁醜就影下相分享一下啦。 雖然退左紅無晒焦，但好明顯有一達達色素，雖然當時顧問都有講過有機會留色素，唉！到真係發生一定會擔心唔知幾時會退呢？ 今日打第二次肚紋，哈哈！平時都冇留意唔知幾時啲色素已經退晒，依家咁睇啲紋又好似淡左少少，希望做多幾次真係可以冇晒啲肚紋，自信返緊黎啦！