以往情人節都會出街慶祝一下，拍下拖甜甜蜜蜜～～但有左裕喬喬就少左出街食lu～～唔出街就食唔到好野？！咁就錯喇，簡單一隻豬手都可以變大餐～～ 材料： 咸豬手 1隻 月桂葉 4片 三色胡椒粒 適量 黑啤 1罐 百里香 適量 迷迭香 適量 醋 3湯匙    做法： 1. 將月桂葉、胡椒粒同醋加入滾水度，再放入豬手用細火煮1小時    2. 1小時後取出豬手，用蒸餸架晾乾豬手再用叉拮佢（當佢仇人咁拮死佢就得架喇～）越拮得多，個皮就越靚～～拮好就由佢封乾～～個時出街食飯，所以我放係廚房由佢吹，我個隻吹左3個鐘到      3. 封乾好就可以搵個密實袋放好隻手，再落埋百里香同迷迭香，最後落埋4/5 罐啤酒醃佢～～最好醃佢一晚，咁就最入味    4. 第二日係冰箱拎番出黎，吹番乾表面～～個面夠乾，先會脆卜卜架～～ 5. 最後預熱氣炸鍋，180度焗30分鍾，反轉再炸多15分鐘就可以上碟喇       Cheers~~~情人節快樂～～～    裕喬喬都急不及待要試食脆卜卜既皮  我家裕喬的PAGE, 媽媽盡量每日UPDATE喲~歡迎大家like and follow~~ 亦都歡迎大家聯絡我地合作及試用產品～ https://www.facebook.com/JacoYK/