話咁快小太陽就三個月大，正所謂工欲善其事 必先利其器，今次同大家分享呢三個月嚟用過的各種好物！有咗佢地，雞手鴨腳既媽媽都會變成熟練mum。click入去睇下點解要買啦！ 必買一：California baby cream 初生bb皮膚好矯嫩亦好敏感，尤其是啱啱出世頭兩個月，勁容易生粒粒出胎毒，嚴重既真係會成臉都係，睇到都痕。呢隻cream好強勁，搽完1,2日啲粒粒好快就會退，據說成份天然，有金盞花，具紓緩作用。 必買二：Biolane去頭泥洗頭水 10個有9個bb都會有頭泥，又臭又肉酸，成因不明，淨係知會不斷生直到一歲。呢隻貴野so far去頭泥最work，原本厚厚既頭泥用咗之後薄番啲，最緊要係去到陣阿叔頭油味，thanks god。 必買三：Mustela pat pat膏 呢隻野出名好用，有時d poo poo up住會搞到pat pat紅，用佢嚟隔住啲尿氣屎漬就十分好。 必買四：SoftTouch抹脷巾 我鐘意佢呢隻唔係棉質，用嚟抹脷就一流。bb飲奶飲得多，啲奶漬黐住晒條脷，搞到啲脷苔勁厚，呢隻紗網質地可以輕輕磨走啲煩人奶漬，捲住隻手指撩兩撩就搞掂。 必買五：奶粉格 雖然唔係奶粉媽，但出街用呢個奶粉格傍身做back up好安心，穩陣，預先計好份量，唔洗一個二個分開袋，要幾多裝幾多，倒又倒得方便。   必買六：babybjorn 初生嬰兒孭帶 雖然呢條孭帶用得唔耐，用到最多26lbs左右就收工，但佢勝在真係簡單又易用，幾個制就搞掂，一啲都唔複雜，特別適合啲一個人湊b的媽媽。   必買七：餵奶枕 本人有兩個餵奶枕，唔同牌子，但都好好用，所以唔洗話要咩牌子，總之揀啲扣到腰既，承托到bb重量既就very good。因爲bb愈黎愈重，長期抱住餵奶真喺好攰好勞損㗎，呢啲錢唔慳得阿親。   必買八：暖濕紙巾器 媽媽谷介紹，淘寶買，冬天用一流，整定一疊乾棉加熟水放入裏面，部機就會自動幫你加熱，keep warm。換片抹pat pat就唔會凍親BB啦。   必買九：奶樽置物箱 用嚟放消毒完嘅奶樽就啱啱好，有得將奶樽棟起身，又有隔水網，好方便。   必買十：磨指甲機 初生嬰兒手指勁細隻又幼嫩，相信好多媽媽同我一樣，好驚幫佢哋剪指甲，剪到流血咁就弊傢伙，佢哋又成日rei損自己，唔整又唔得。用呢部機慢慢磨就解決到呢個問題。   必買十一：哺乳睡衣 簡直係埋身既恩物！掀開件衫就餵得，方便！淘過咁多間，呢件質地仲要very good!!!好舒服，又襟洗！唔驚質地唔好拮到bb。   必買十二：非即棄防溢乳墊 餵人奶嘅媽媽都知成日流流長，總會有漏奶既時候，一個唔覺意件衫濕咗就真係好尷尬，成日要玩即棄嘅乳墊又真係好唔環保而且長期用好似m件咁其實都幾大cost！呢隻環保乳墊就唔同，洗兩洗好快乾又可以循環再用，質地又係好好，唔刺激皮膚。   必買十三：哺乳bra 又係埋身既恩物！掀開件衫就餵得，方便！最緊要唔會箍住個胸，谷奶都唔會唔舒服，帶住嚟瞓覺都得。 必買十四：隔尿墊 唔係講笑，10個有9個BB都幾乎請過你飲茶，呢張墊無論係用嚟換片定係擺喺床仔都得，咁就唔驚佢又屙到周圍都係。 ． 小太陽一家 Facebook: Mylittlesunson Instagram:littlesunson1120 Email:littlesunson1120@gmail.com