初初SiuBma對厭奶期少少認識都冇，但竟然係SiuB兩個半月嘅時候，突然有一日起飲奶時不停扭計同喊，每餐都飲得好少，比平時最小少一半，持續左三日！令到SiuBma非常擔心! 所以就的起心肝去了解一下出現咗咩問題。 好多BB都係3-5個月時會有機會出現厭奶，每次大約持續一星期至半個月不等！可能有啲BB會更早兩個月大嘅時候就發生Tim! 不過都係屬於正常范圍～   有媽咪問：其實究竟BB點先為之厭奶？ 當BB平常好精神，活動力都好好，但就係唔識肚餓或者餵奶嘅時候，見到奶樽就會將頭擰開或者大喊！就算迫BB飲，BB都會用舌頭頂出嚟，亦有可能小小嘅雜聲或者有人行過，令BB分心就停止動作唔飲奶。   其實有幾個方法可以嘗試一下幫各位媽媽解決厭奶期帶來的煩惱。 1. 唔可以迫BB飲奶，轉為少食多餐。 如果強迫BB飲奶，只會令BB對食產生恐懼！所以媽媽們可以調整飲奶嘅份量同時間，再隨着BB嘅需求，慢慢增加奶量，大約兩個星期就可以渡過厭奶期。   2. 消耗體力，增加BB肚餓嘅感覺。 可以起日間嘅時候多D同BB玩遊戲或者帶BB去日光浴，消耗BB嘅體力，增加肚餓既感覺，去解決飲奶嘅情況。   3. 奶嘴洞大小要適合 亦有可能因為奶樽嘅奶嘴洞太細，令BB飲奶時唔暢順，所以減少飲奶嘅份量，可以更換大一個size嘅奶嘴，再檢查奶可唔可以順暢流出，而最佳嘅速度係1秒1滴！   4. 考慮加副食品 如果BB已經踏入4-6個月而且屋企冇人有特別對食物過敏，就可以考慮加副食品。加固可以令BB增加新鮮感同及早訓練BB吞嚥嘅協調，亦可以補足返BB起厭奶時營養唔均衡嘅問題。   以上係SiuBma認為有用嘅方法！當然SiuBma都係用以上嘅方法成功渡過厭奶期㗎！Yeah !   各爸爸媽媽可以注意，如果未食副食品嘅BB奶量，係以BB嘅體重和每日餐次計算：                           一餐奶量 x 整日的餐次 = 總奶量                      總奶量 / 體重kg = 每kg體重所攝取嘅奶量 只要BB每kg體重攝取量不少於80~100ml, 就符合一日嘅基本需要！短期來講係唔會影響健康！爸爸媽媽可以放心啦！ ************************************************************* 歡迎合作邀請｜產品試用｜出席活動｜邀稿｜親子活動｜廣告合作｜ 聯絡SiuBma：Janet_ayk@hotmail.com Please Like & Follow us~ Facebook: www.facebook.com/sweethomeforsiub IG: https://www.instagram.com/Sweethomeforsiub Blog: sweethomeforsiub.blogspot.com