本身一向較小下廚既我， 為左綿綿健康成長，都希望自已可以煮到多d款式及有益既食物比佢。綜合了自已不同問題及需要，發覺 蒸煮攪拌機真係好岩我用，簡直係加固好幫手呀。因為綿綿係屋企時特別黐身，有時湊住綿綿，要兼顧好多野， 所以都希望可以快d煮好一餐比佢食，最重要係唔洗睇火，比較安全。用左部機一段時間， 終於可以同大家分享下喇！ 其實用了3個月，已經試過煮不同款既粥仔，今次就煮雞肉紅蘿蔔節瓜粥同各位媽媽分享先。 預備材料： 紅蘿蔔，節瓜， 雞肉， 胚牙米 1) 首先將熱水倒入胚牙米， 水同米既份量約1:5 2) 將胚牙米放上蒸籠蒸 30 mins 3) 蒸至中途10 mins, 將其他食材放上第二層一齊蒸 4) 蒸熟後， 將所有食材及餘下精華放入攪拌機一齊攪 5) 攪碎後就完成啦~ * 只需35分鐘就可以完成， 簡單又方便! 歡迎隨時follow"綿綿媽媽"的足跡: https://www.mamibuy.com.hk/home/13092 https://wow.esdlife.com/sukimama http://mami.presslogic.com/author/suki/