為左黎緊既旅行…. 終於都幫bbs申請左護照+身份證。     上網睇左好多資料，手續唔難但都幾煩XD”~ 今次孖媽整理左D資料，希望幫到大家!   首先要幫BB影證件相，唔同證件有唔同規格! 一般去曬相鋪講影相整特區護照，佢地都會知點影。 相片背景要係白色。   Babies G既證件相係上年暑假尾區議員度影，平靚正XD”~   如果之前未幫bb申請身份證， 咁就可以一次過身份證+護照一齊申請 要填妥以下3款表格   1. 申請身份證 https://www.immd.gov.hk/pdforms/ROP3.pdf   2. 申請特區護照填寫表格(16 歲以下兒童)   https://www.immd.gov.hk/pdforms/ID842n.pdf   3.  副署事項表格 (供申請香港特別行政區旅行證件使用)   11歲以下兒童需要提供學校蓋印認證的相片的學校證明文件。 如沒有學校證明文件則需要該申請兒童的父母或監護人以外及年滿18歲以上人士的第三者擔任副署人，而副署人則需要填寫一份「副署事項表格」 (可搵4大長老幫手簽署) https://www.immd.gov.hk/pdforms/ID641n.pdf   除左3份表格外，亦需預備: -證件相3張 -BB出世紙 -父/母身份證 -副署人身份證副本 -費用 (32 頁 – $185;  48 頁 – $230, 兒童護照有效期為5年)   文件預備好，請先網上/電話預約: www.gov.hk/tdbooking /2598 0888     因為BB一定要露面一次， 如果交表時BB去左，取證就唔使再去， 如果郵寄申請/只有父母去交表，取證時BB就要去。   交表後，大約3星期就可以取證! 今次bb申請身份證，已經係最新版本，都幾靚~~   好期待同babies G第一次飛呢!! ---------------------------------------------------------------------------------------- facebook page : 龍鳳Babies G & 孖媽Gloria| 想睇更多Babies G生活照: https://www.instagram.com/babiesg_mamagloria 邀稿/合作: twins.babiesg@gmail.com