下個月就到復活節長假期   又o係時候plan下帶小朋友去邊度玩 想飛....又好貴     潮玩深圳又怕多人  其實近近地可以考慮坐船去珠海  玩足3日兩夜    第一,二日玩轉珠海  第三日再過關玩埋澳門先番香港 為大家分享一下今次既親子之旅 PART I【包包去哪兒 ★ 復活節去邊好?! - 珠海篇】 DAY 1   香港 --> 珠海  *可選擇於上環/尖沙咀上船 約70分鐘船程   食下零食   畫下圖畫   又或者訓一陣   時間好快過 落船後可到酒店CHECK IN   先放低隨身行李 再去珠海新香洲最新綜合SHOPPING MALL - 珠海奧園廣場 地址: 新香洲 (梅界路梅溪牌坊對面) 珠海奧園廣場 帶小朋友去就一定要主攻3/F - 兒童天地 今次推介既就係哩間華廈世嘉兒童樂園   同小朋友放電一流之選 收費方面: 人民幣158 (包一個大人同小朋友全日任玩 可自由進出) 18:00後晚間票較抵  人民幣90(一大人+小朋友) 可以玩到21:00 入場會有locker key 放鞋 所有入場人仕都要噴手消毒 職員見細佬b咁細個  就問佢會唔會放手仔入口  建議如果會  就唔好噴消毒  都幾貼心 細佬b超鍾意既波波池   (內地叫d波做海洋球) 因場內唔算太多小朋友  所以可以輕輕鬆鬆咁影番張靚相 小朋友大愛既海洋球輸送帶 仲有好適合大人小朋友玩既touch screen game 對小朋友黎講既神奇magic ball 仲有包包同細佬b都好o岩玩既Mega block 哩個Playhouse都幾大下   真係要坐車仔代步先得 場內既玩具類別都幾豐富    而且空間同玩具量都非常足夠 而枱既高度都有考慮到細b既需要 行入d就係放電區   親身同包包試玩一次   真心好玩    包保小朋友夜晚好好訓 兒童森林造型設計 包包超興奮~READY---GO! 哩個彈床真係好好FEEL  米高媽媽都忍唔住一跳再跳 右邊既滑梯刺激感滿分 遙呀遙~爽呀! 小小恐龍區~ 佢有一條四人同享斑馬虎紋滑梯   方便分流   唔怕小朋友要大排長龍咁掃興 哩條大版滑梯   包包玩100次都應該唔會厭 至於最後一個ZONE 主要係俾年齡較大既小朋友玩 不過包包要自我挑戰   又俾佢自己完成到喎 哩個屬於放電式既PLAYHOUSE  大人同小朋友都相當o岩玩 最後包包足足玩左三round先肯走 出面仲有個玩具體驗館  Concept唔錯   不過試玩係要俾錢既 到晚飯時間   我地決定去食人氣探魚    比起深圳長長既人龍 哩度既等候時間尚算合理 唔好以為哩間餐廳只有辣魚食   原來都幾親子 首先佢有HIGH CHAIR提供  場內電視仲會播放卡通片 而且有一款金湯淩波魚值得推介   唔辣  鮮甜又唔多骨 最估佢唔到原來佢地有免費兒童餐送俾小朋友 有小魚型既白飯   木耳炆豆腐   健康又好味  仲要有埋飯後果    讚! 重點係好味到包包同細佬b自動波食晒成份兒童餐 而鍾意食辣既爸爸媽媽可以叫個辣探魚開心SHARE 食完仲可以上一層玩夾公仔機    好抵玩    1蚊一次 DAY 2    第二日我地就去左華發商都-四季佳景飲茶    地址: 珠海市香洲区珠海大道8号 哩度D點心真係可愛到大人見到都心心眼   最欣賞佢個小雞造型鹹水角 o岩晒慶祝復活節啦 圖中既點心就係杏汁白兔奶涷同埋天鵝榴槤酥 食飽飽就可以行下哩個超大shopping mall 哩間【閱潮】類似誠品 有個大大既兒童閱讀小天地俾小朋友學做藝文青   打書釘 而且仲有cafe俾家長們Me Time 一下 成層都係kids zone   包保可以玩足一個下午 同層都有一個既Playhouse - YUYUTO 主要分為3個區域: 軟體/沙池同足球 Price list可參考下圖 Kid'sWork係一個兒童烘焙 + 手工藝workshop 有多款麵包蛋糕可供選擇 玩完華發商都哩個超大shopping mall 仲可以去埋最新景點-珠海大劇院 建築以一大一小既「日月貝」為設計造型 流線型設計相當吸晴    唔好以為小朋友細個去過邊都唔記得啦 有次包包o係傳單見到哩個大劇院   就同我講"包包去過啦!" 所以多d帶小朋友見識世界   雖然辛苦  但係非常值得 待續..... 想知道二百蚊唔駛就可以o係澳門Galaxy酒店食Lunch buffet 記得留意PART II 【包包去哪兒 ★ 復活節去邊好?! - 澳門篇】   想了解更多包包同細佬B既攪笑二寶日常及最UPDATE親子分享--> LIKE 下 包包陪細佬b看世界 FACEBOOK專頁啦~