BB咁細個上Play Group? 佢會學到d咩? 其實BB咁細我無諗過佢會學到D咩, 同埋一星期最多返一日, 真係唔會有咩學到.   點解要參加Play Group? 由於我無咩朋友有小朋友, 有都比陳皮大2/3年, 所以陳皮好少接觸同齡小朋友, 就算我地每星期六日都同佢周圍去, 但其實都唔會點接觸到小朋友. 正正因為呢個原因我就想帶佢返Play Group見多D小朋友. 因為好多人都有講返如果BB有哥哥姐姐學野快好多, 但陳皮又唔識爬, 反身都懶, 所以就想佢上下堂.如果有小朋友同陳皮玩, 我應該唔會得閒上playgroup.   上堂有咩做? 我上個間叫Little Gym, 主要係教家長點樣同BB玩同訓練佢地唔同部位既muscle. 但其實上堂既時候我要成日抱起陳皮, 我覺得似我上Gym多過陳皮     試堂有無好hard sell? 其實我個間上完係有人會介紹返即時報名優惠, 比我感覺又唔會好hardsell, 因為佢又唔會迫你入房又會唔比你走, 佢就咁係reception介紹完就算, 你自己決定join唔join. 由於我好懶, 上完就join左啦, 都無再試其他   上左幾堂BB學到D咩? 當然係無!!haha 不過陳皮上第3堂起就變得主動左, 一上堂坐係到就會潦同學仔傾計. 由唔知發生緊咩事變左鐘意Bubble Time! 雖然仲係上上下堂會訓左 haha, 但感覺上投入左, 咁呢點當然同佢大個仔左有關!haha ^大家上堂中, 陳皮則交友中! haha   上左幾堂咁覺得BB應唔應該上Play Group? 我覺得要睇你想要D咩, 上堂教既野唔太難, 好多自己都做到, 但要睇你返去會唔會同小朋友做, 45分鍾好快過, 唔好預有好多野學. 我自己就會當有個地方比陳皮玩下, 見佢好認真咁望住老師講英文又似聽得明個樣真係好搞笑! 不過個個星期都要去其實我好攰hahaha, 陳皮當然無野, 佢有街去有玩具玩不知幾開心. 但如果有play group可以隔星期返就perfect啦! 唔知有無呢? 或者其實如果大家唔怕煩, 我覺得不停去試下唔同堂都幾好! 又唔駛個個星期都上. 又可以逐堂比錢 !   不過陳皮就快開始識企識行, 上埋呢個course我應該會休息下先, 因為佢識行就有好多地方可以同佢去玩, 唔駛返playgroup住! 趁唔駛返學帶佢玩盡佢!    更多分享 Facebook: https://www.facebook.com/kaden.hk Instagram: https://www.instagram.com/kaden.hk   在職媽媽加固之路BLW vs 粥仔 唔駛排隊唔駛聽講座都有禮物送既媽媽會 濕疹媽媽最愛保濕用品分享 團購寫真信唔信得過? 生仔篇: 公立定私家?