之前參與過新手爸媽講座，最受歡迎的環節一定是如何選購嬰幼兒用品。買定唔買？點揀？邊款好？講到落堂都仲繼續問。 其中一種嬰幼兒用品是奶咀。早前已分享過奶咀的利與弊  , 今次分享吓奶咀不同形狀有什麼分別。 奶咀一般分為三個形狀: 對稱型，仿母乳型，和仿奶樽型。 對稱型，又稱為護齒型，產品據稱有助BB口腔，牙齒和牙床的自然發展。 仿母乳型，是模仿母親乳頭的設計，適合全母乳的BB, 避免產生混淆。 仿奶樽型，就適合全奶粉B使用，奶咀似BB奶樽形狀。 除了形狀，奶咀亦要留意物料。 以前比較流行用乳膠，因為口感較軟，BB “可能” 較喜歡。但乳膠實在不耐用，每天加熱消毒，幾個月就好快變形，甚至會溶。 現在多用的物料是矽膠，較耐熱耐用。 不過奶咀其實幾個月就應該換一次，一來衛生，二來BB口腔大了，亦需要個大啲的奶咀。 奶咀未必是必須物，但如購買，最好研究一下，唔好剩係因為款式顏色可愛而買，適合實用最重要。 https://www.facebook.com/AnnieLeeDiet/ #奶咀邊隻好  #新手爸媽二三事 #營養師 #Nutritionist #AnnieLee