不經不覺，蠔豉妹妹就快踏入trouble 2~~ 媽媽真係超唔捨得BB時既佢...  宜家睇返，蠔豉妹妹初生時真係幾肉酸...成個男仔咁 :p    一出世時啲人好少讚蠔豉妹妹靚，話似老公時~ 我都會話「係呀！佢個女嘛~」  到宜家久唔久有人讚佢靚同cute~ 我就會話「緊係！我個女似我嘛~」     仲有，每日我都會同老公滙報一下蠔豉妹妹既日常生活~  乖既時候，我就會話:「今日佢好乖，乖乖地食飯！」  曳既時候，我就會話:「你個女今日曳到呢...」  唔知大家係咪都同我一樣 :p    乖就我個女;曳就你個女  靚就我個女;唔靚就你個女      我就好似啲老人家咁~  一係就，「我個孫不知幾乖！(下刪一千字)」  一係就，「佢(姐係話我)個女幾曳呀！(下刪一千字)」  明明就係講緊同一個人，不過角度好唔同 :p  大家有無相似既情況~~   Facebook : 80後的人妻「旅」友  &  蠔豉妹妹之貓奴生活 Instagram : https://www.instagram.com/wingring 合作／邀稿 : wingring417@gmail.com / wingring@ymail.com