米豬大個仔, 開始會落order要食咩喇~~ 呢排成日都話要飲粟米湯, 有一早仲話煲咗粟米湯比我飲tim~! 真係齊ga wo啲料~~ 等媽媽煲比你飲啦~~   粟米濃湯   材料: 新鮮粟米 3條 洋蔥 半個 牛油 2湯匙 麵粉 3湯匙 水 1公升 鮮奶 1/2杯   有D複雜, 所以拍咗片啊~~ 按我看製作過程   做法: 1. 洋蔥去衣切細粒 2. 2條粟米中間界開層衣, 用湯匙刮出粟米蓉, 粟米芯備用 3. 1條粟米切粒, 粟米芯備用 4. 3條粟米芯切4份備用 5. 燒熱煲落牛油, 牛油溶晒後落洋蔥粒炒香 6. 洋蔥粒炒至透透地落粟米蓉, 拌勻 7. 分3-4次落麵粉, 每次落麵粉後要快手拌勻, 直至粟米蓉變成杰糊狀 8. 加水煲滾後落粟米芯, 轉細火煲30分鐘 9. 熄火, 撈起粟米芯後用手提攪拌器或將湯倒入攪拌機打爛, 隔渣 10. 隔渣後粟米湯加粟米粒煮滾, 再加鮮奶拌勻   可隨意加香草點綴     9個月以上就飲得喇~~ (牙仔未夠力ge就唔好加粟米粒住喇~) 你地睇米豬飲得幾開心~     煮食小貼士: 1. 唔鐘意落麵粉+牛油可以用一個細薯仔烚熟切粒代替, 不過我鐘意幼滑口感所以就冇用呢招 2. 界開粟米衣取蓉比就咁原粒煲更出味, 而打爛之後亦小好多渣 3. 粟米芯很好用很好用很好用~! 切完千祈唔好掉, 用埋嚟滾個湯底甜到哭   米豬豬的page~ 每日都update~  歡迎各位like&follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/