副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

你今日飲左未呀?- 參觀益力多工廠

你今日飲左未呀?由細到大都聽既一句耳熟能詳既說話,唔駛講都知大家一定會諗起:益力多~~咁啱有機會 Candy’s Playgroup 老師搞參觀益力多工廠,梗係要報名同裕喬喬去啦~話過秘密俾大家知:其

你今日飲左未呀?由細到大都聽既一句耳熟能詳既說話,唔駛講都知大家一定會諗起:益力多~~咁啱有機會 Candy’s Playgroup 老師搞參觀益力多工廠,梗係要報名同裕喬喬去啦~ 話過秘密俾大家知:其實裕喬喬係從來都未飲過益力多架!!等媽媽帶佢認識下先啦~~媽媽自己都未參觀過呢d工廠架,自己都好興奮~而爸爸就話係小學雞旅行。。。(哼,下次唔預佢呀~) 當日早上,我地集合好哂,咁就上旅遊巴出發喇~~我地早幾日就開始同裕喬喬講,我地要參觀汪汪既工廠(繪本既內容),黎緊要搭大大架巴士去架~~雖然唔知佢聽得明幾多,但一來一回都好乖好安靜,唔似其他小朋友咁尖叫同不受控就好安慰了~~    坐左約40分鐘車程,我地就去到位於大埔工業村既益力多廠房喇~一落車就係廁所時間,等齊人就上去一樓既meeting room  大大隻字寫明係益力多廠房  門口既 等待處  上到一樓最吸睛既梗係大大個益力多擺設啦~~原來呢個擺設係經理叔叔用左2550個樽砌成架~~佢真係好熱愛益力多呢~~~    齊人就開始講解~咁就分左幾部分既:講解益力多成份、消化系統介紹、便便介紹、試飲同埋睇簡介片,最後就係參觀機器(謝絕影相) 唔講真係冇留意,益力多原味只有6種成份,全無添加劑~~所以佢有效期只有一個月左右咋~~佢係甜,但糖份主要係用黎供應俾活性乳酸菌作生存之用~~不過要注意就係唔可以用熱力/酒精去殺死乳酸菌呀,唔係就飲黎都冇用,得番個味~~同一個壞左既人冇分別,冇左主要既靈魂喇~ 另外,有趣既地方係計算小腸長度呀~~只要我地將身體既高度加4次,就差唔多係小腸既長度~~例如裕喬喬而家90cm高,佢條腸就已經有3.6米咁長喇~~~    益力多之父~~  Wow , 第一次飲益力多呀~~咁因為益力多已經冇飲管供應,媽媽要出動私家飲管~~全程講解都生動有趣,最後睇卡通片個時裕喬喬都眼定定~~   睇得咁入神既係因為佢呀~~其實都幾可愛~    咁啱今年係50週年,仲播左一段回顧既片段,其中最令媽媽記得既廣告堅係佢:唔好飲呀!有菌架!!(應該冇洩漏年齡呱)  最後,工作人員帶我地參觀左廠房既一部份,但因為有機械做緊野,所以唔可以影相~~咁我地都好安份守己,用眼睛望下就好了~~機器部分由排樽、入樽同包裝幾個部份~至於早期既生產部份就可以參考下圖:   話咁快約1小時既活動就完結,我地就搭車番去了~~雖然唔知裕喬喬吸收到幾多,但媽媽依然會努力帶佢出去見識多點呢個世界~可能大人會覺得無聊、覺得小學雞,但對於零印象既小朋友黎講,佢地一點一滴累積都可以加深佢地對學習既興趣呀~~       我家裕喬的PAGE, 媽媽盡量每日UPDATE喲~歡迎大家like and follow~~ 亦都歡迎大家聯絡我地合作及試用產品~ https://www.facebook.com/JacoYK/ http://www.instagram.com/zita_jaco