今日誤打誤撞嘅情況下，同糯米爸爸一齊去咗we go mall行街，原本打算比蝦米妹玩彈彈床，點知佢一去到話驚????咁唯有去其他地方行下，係依個無意之間，我哋搵到啱啱早兩個月先新開嘅親子餐廳Whizbo Kids 一去到餐廳，職員就派咗對新襪仔比蝦米妹同蟹籽仔，著咗新襪仔先至可以入餐廳，襪仔底部有防滑膠，防止小朋友係餐廳玩跣親，而且下次再黎，如果帶翻依對餐廳襪仔嚟著，就可以減5蚊，記得去到先換，著住去係冇嫁。 佢哋亦都準備咗支消毒噴噴幫魚魚媽媽同糯米爸爸噴我哋對襪。依個係一個幾貼心，同其他親子餐廳唔同嘅地方。 而門口旁邊亦都為大家準備咗儲物櫃，可以將鞋放入去。 入去前最後一步就係用BB專用嘅消毒洗手液洗手，洗完手就可以入去啦！ 餐廳玩樂區有7個部分，分得好清晰。 1️⃣《環保木粒仿沙池》 一入餐廳就見到，蝦米妹蟹籽仔最鐘意嘅地方。可以訓練蟹籽仔手部肌肉嘅地方。唔同質感小朋友可以慢慢探索。 仿沙池又唔會整到成身沙，正丫。 不過細少少嘅BBs真係要小心唔好比佢哋放入口。 ***復活節期間每日下午四點仲會有個環保木粒波尋蛋比賽，餐廳裏面仲有尋蛋龍虎榜，記錄咗個人的時候了。我的心中尋蛋數量最多嘅小朋友，決賽仲會有冠亞軍分別會有唔同嘅獎品。 2️⃣《繩網+滑梯+波波池》 爬2層繩網就可以Sir滑梯，不過對於細粒嘅蝦米妹嚟講依2層繩網係有少少難道，如果加多條樓梯上去就更加好啦。滑梯連接住波波池，波波池裡有投射螢幕遊戲，可以用d波波黎玩遊戲。波波池唔大，所以如果要玩投射遊戲真係要再三提醒小朋友記得細力啲（我都知小朋友玩到忘形會唔記得，所以盡量啦～） ***波波池範圍冷氣都幾大，所以媽咪要幫小朋友準備外套仔丫。 3️⃣《彩色繩網陣》 小型繩網，蝦米妹話驚，所以魚魚媽媽抱咗蟹籽仔入去，唔夠一分鐘，喊爆完場????????♀️ 旁邊有兩隻動物公仔，蟹籽仔上咗去一陣就落翻嚟。 4️⃣《投影魚缸》 蝦米妹另一個玩到唔肯走嘅地方，先係過咗膠嘅海洋生物咭紙上填色，再拎去旁邊掃描就可以係螢幕上揾返自己填完色嘅海洋生物。 幾得意幾特別。連糯米爸爸都忍唔到手幫幾隻海洋生物上色???? 5️⃣《迷你小圖書館》 旁邊有啲圖書，好適合BB睇，食完野休息一陣可以安安靜靜睇下圖書。差夠電就可以繼續去玩。 6️⃣《模擬廚房及超市》 煮飯仔不嬲都係蝦米妹嘅至愛，今次仲要有埋超市挽，佢好開心咁推住架購物車周圍行，仲要放埋佢隻寶貝上去，扮平日嘅媽媽。 蝦米妹仲要話比糯米爸爸聽：平時魚魚媽媽就係咁帶佢去超市買野嫁 （原來佢一直都記得 ） 7️⃣《化妝間》 最岩貪靚嘅蝦米妹，依個area可以幫公仔化妝，仲有d卡通造型衫可以俾小朋友著，不過太大件，蝦米妹蟹籽仔都唔岩著。 旁邊有2架公仔BB車，蝦米妹好開心推住架車仔係環繞餐廳幾周???? 食物方面: 一去到每位小朋友就有1件小cupcake~ 不過係朱古力味，所以就由糯米爸爸同魚魚媽媽幫佢消滅咗????唔係好甜，都岩大少少嘅小朋友食。 選擇都好多，我哋點咗: 1️⃣小食拼盤（黑松露薯條、鹽酥雞，仲有一樣魚魚媽媽同糯米爸爸都唔記得咗????????） 通常炸物比人嘅感覺係油淋淋，但依到嘅炸物唔油喎???? 不過黑松露薯條唔夠黑松露味，鹽酥雞好脆???????? （唔建議小朋友食） 2️⃣我真係麥樂雞（4件） 用咗新鮮無激素手打雞肉，以健康食油炸至香口，食得安心又放心。 3️⃣星星薄餅（吞拿魚、粟米、煙肉） 原本只可以揀2個配料，糯米爸爸突然話想食煙肉就加咗$12要多一款配料。 熱辣辣，面頭好多芝士，魚魚媽媽至食愛。 4️⃣小熊白汁三文魚飯 好可愛，好精美，完全係可以吸引小朋友食哂一個飯，有西蘭花同彩椒拌碟七彩繽紛之餘仲要均衡營養，真係為小朋友精心設計。 5️⃣迷你小牛漢堡 有3隻色嘅熊仔，好eye catching，份漢堡雖然係迷你，但係份肉好厚，好實，唔會一咬就散開，配上薯角。糯米爸爸話如果係薯格仲吸引喎。???? 6️⃣動物腐皮壽司配牛油粟米及玉子 普普通通~ 不過不失，雖然係話牛油粟米，但唔會好重牛油味，唔算多油，蝦米妹好鐘意食，好岩小朋友食。 7️⃣特濃朱古力曲奇 甜度適中，細細塊，小朋友去咗玩，媽媽們係到傾計，咬1-2塊一流???????? 飲品冇得跟餐，所以我哋另外再點咗: 8️⃣棉花糖朱古力 普普通通，不過個拉花配上棉花糖嘅擺位睇得出係有心思去處理。 9️⃣鮮榨橙汁 有果肉嘅橙汁，酸酸甜甜，小朋友都飲得，好開胃。 ????可愛粒粒凍咖啡 每粒冰都係可愛嘅咖啡熊仔公仔，就算溶冰都唔會話溝淡咗咖啡嘅味道。 原本魚魚媽媽係想飲奶茶，可惜職員話奶茶嘅效果唔靚，所以冇咗粒粒凍奶茶。 另外佢既洗手間，有兩格，每格都有大人小朋友廁所，小朋友廁所仲要有熊仔圖案，好可愛，至岩學緊介片嘅蝦米妹。 洗手處亦有高低洗手盤，供大人小朋友都可以用 另一房係換片間，岩哂蟹籽仔啦。不過換片墊上面有個櫃，要小心小朋友頭仔好易撞到。佢哋仲提供膠袋，換好嘅片片要用膠袋入好先放落垃圾桶。 門口仲會為大家準備拖鞋，又係一個細心嘅舉動。 係我哋一路玩嘅其間，我哋都見到清潔姨姨不停掃地拖地。 玩具區都有職員整理玩具，填色區因爲用水筆填，長期都會有員工抹咭紙，枱面。 復活節期間都有其他遊戲活動比小朋友去玩。 魚。蝦。蟹×親子。玩樂生活日誌Fb:https://www.facebook.com/natalie1226osmond512/ #蝦米妹 #蟹籽仔 #一家四口 #復活節假期 #去玩啦 #又可以放電啦 #WhisboKidsCafe #馬鞍山 #親子餐廳 #動又得靜亦得 #乾淨 #舒服 #貼心 #hkmami #hkmama #香港媽媽 #hkBlogger #香港blogger #fulltimemama #全職媽媽 #育兒分享 #吃喝玩樂 #親子樂 #親子好去處 #日常生活 #食譜分享 #魚蝦蟹親子玩樂日誌
