話說老公早排唔舒服，不斷咳⋯⋯咳⋯⋯同埋咳，咳到變氣管敏感⋯⋯夜晚又試過咳到訓唔到⋯⋯但男人就係你叫佢睇醫生，佢就睬你都傻既人⋯⋯見佢咳到咁，心痛死喇⋯⋯所以只用食療既方法啦～～燉雪梨、無花果水、印度椰子湯⋯⋯好番一陣，但又走去飲汽水⋯⋯食西瓜⋯⋯結果到而家都未好番⋯⋯嬲嬲地去買鷓鴣煲俾佢飲～～ 但原來鷓鴣唔係咁易有⋯⋯搵哂成個街巿冰鮮雞檔、凍肉檔都冇⋯⋯只好搵Google 大神同面書大神求救～～發現好多網店有一款英國野生鷓鴣唔錯，標榜冇激素、抗生素咁～～咁方便，梗係訂番黎煲啦～～ 鷓鴣除左對氣管、久咳有用，平時用黎補身都好好架，事關鷓鴣肉含有豐富蛋白質同人體必須的十幾種胺基酸～～今次只係訂到2隻，quota 都俾哂老公，下次先可以再煲俾裕喬喬飲喇～～ 材料： 川貝 10克 非洲海底椰 10克 陳皮 3瓣（1個） 鷓鴣 1隻 黑毛豬肉眼 幾舊 （約$20） 金華火腿 1片 薑 數片 葱 1棵    做法： 1. 豬肉同鷓鴣用薑同葱出去備用：陳皮沖沖水備用 2. 將川貝同海底椰塞左鷓鴣內，連埋豬肉、陳皮、火腿一齊放煲內，加水燉3小時就可以喇～個湯出黎好清呀，仲有濃濃既陳皮味飄出黎～～    P.S.:  1. 網上教話塞哂川貝同海底椰落去鷓鴣度可以避免藥效流失，唔知真唔真～～但塞哂入去我覺得易清理好多～～ 2. 川貝同非洲海底椰可以係大型連鎖店有售；鷓鴣可以係凍肉店、網上商店有售；聽人講過灣仔街巿有新鮮鷓鴣賣，但太遠去唔到了 我家裕喬的PAGE, 媽媽盡量每日UPDATE喲~歡迎大家like and follow~~ 亦都歡迎大家聯絡我地合作及試用產品～ https://www.facebook.com/JacoYK/ http://www.instagram.com/zita_jaco