放假最重要的一件事：瞓到自然醒～ 早餐: 在親子民宿 Kids Inn食，五個餐俾你揀，款款都好精美，分量十足！     食飽之後喺民宿度玩左一陣，玩樂空間有滑梯、積木、煮飯仔等等！ 終於出發去玩 1️⃣第一站係勤美誠品綠園道 呢到除咗係一間超大嘅誠品，仲有好多其他嘢賣，衫褲鞋襪廚具等等。我哋主要留喺誠品兒童館，睇到唔捨得走！書嘅種類真係多，不過價錢其實同香港嘅家長會差唔多。 *買完野記得搞埋退稅，去到機場可以攞返錢* 2️⃣第二站係屋馬燒肉  (http://www.umai.tw/) 我哋差唔多三點去到，冇訂位，諗住過咗午餐嘅人潮唔使等位。。。點知都等左成15分鐘先有得入座！ 我地食Set，方便唔使揀。Set嘅份量好夠，食到一半已經開始飽；價錢合理，牛肉嘅質素唔錯，豬肉有啲就比較肥。✨屋馬服務超級好，不停咁換網 （全餐飯換左超過10次????）！ 甜品佢會裝飾好隻碟先上枱，如果係有任何慶祝活動記得訂位嗰時講定，佢隻碟可以幫你寫/畫唔同嘢。 3️⃣第三站係 審計368新創聚落 行去審計368途中經過咖波屋，幾cute，順便打下卡 審計368真係一個文青到極嘅地方！每間小店都佈置得好有特色，賣嘅嘢都好靚好特別，影咗N咁多張相！！ 4️⃣最後一站去逢甲夜市 食咗好多好多嘢。。 第二晚嘅酒店逢甲星享道喺逢甲附近，食飽飽就行返去瞓覺。   #親子之旅 #台中 #親子民宿 #Kidsinn #誠品 #誠品兒童館 #勤美 #屋馬 #燒肉#審計新村 #親子活動 #文青 #慢活 #悠閒的一天