#超長氣 #睇晒感謝你 #CX買機票一肚氣 #旅程順利 #下次飛應該兩歲後 #希望一年帶你地去一次旅行 呢一代既BB好幸福!!細細個就可以搭飛機去旅行~ 孖媽第一次搭飛機係小學… babies G而家未夠2歲就搭，仲要第一次就衝出亞洲XD”~ 由於今次係去探姨媽既關係，Bbs同細表哥年紀一樣， 所以好多野都唔使預備唔使帶 (奶粉、尿片、零食、水、沖涼液、cream、毛巾、厚衫、BB車…) 所以只會分享帶上機有需要用既物品 同埋bbs搭飛機過關過程! 首先當然要同bbs買機票啦!! 大家都知，2歲前infant ticket係平好多 (所以要2歲前飛一轉澳洲XD”) 連復活節假，頭+尾飛11日，大人機票連稅要$6000@, infant呢?連稅$700@~ 但提一提大家，就算上網買好晒大人BB機票， 都記得要打電話去double confirm!!!!!!! (唔坐CX，可以直接跳下一段)~ 好彩我有打去confirm!!!俾CX激死我，嘈左好耐!!!! 原因我買飛，揀左BB籃位，再double confirm時， 第一個staff係答我有BB位，但冇BB籃，你要手抱住BB!!!!!!! 大佬呀~~~唔係8分鐘，係8個鐘機程呀!!! 而且我兩大兩細，要去廁所係冇多餘既手抱BB~ 而且你有位冇籃既，買飛前唔講?俾晒錢先講? 同埋要飛機上多兩個BB籃好有難度嗎? 最後我俾左兩個選擇佢，一係有籃，一係fully refund， 我唔會接受手抱8小時架!! 收左佢線，搞左一輪…打多次電話黎又話冇又li又lo…. 當下好心煩，叫佢退錢又唔肯， 直到第二日有另一個staff打黎!!!! 終於confirm左有籃用啦!!!仲要兩個籃都齊… 來回都係confirm埋baby meal!! 解決晒~~~~~~有咩理由飛機4個infant 位， 得兩個籃唔可以再加架? CX飛機餐唯一好吃的.... --------------------------------------------------------------------------- 預備執行李，以下係我帶上機俾BB用既checklist 外套 保嬰丹 零食 薄被 (鋪墊BB籃+蓋被) 針筒 玩具 後備衣物 退熱貼 保鮮袋 消毒噴霧+濕紙巾 探熱耳機 BB口罩 奶樽 藥 暖水壺 奶粉 尿片 凍水樽 奶咀 紙巾 passport + 身份證 出世紙copy - BB過關需要 passport + 身份證 (缺一不可)， 但我都有左出世紙copy以備不時之需 - 飛機BB會接觸既地方我都用消毒濕紙巾+噴霧周圍抹+噴 (特別BB籃)， 會安心D，帶定BB口罩係保障自己不時之需 - 雖然BB籃已經有床墊枕頭仔，但安心計， 我都係帶左張薄紗被鋪墊好，先俾BB訓 - 保鮮袋係方便有時機上自己儲住D垃圾先， 落機一次過掉/ 有野整濕左都可以袋住先 ----------------------------------------------------------------------------- 出發日，係香港帶BB過關係可以用禮遇通道~~ BB需要用既水/奶都冇受限制， 只要過x-ray前表明有baby food係入面，海關就OK! 今次我地直航去Perth，來回時間好好都係夜機 (Perth & HK係冇時差架!) 夜晚上機訓過夜，朝早到達!!咁樣BB機上會訓大家都舒服… (來回兩程飛機都見有超過20個BB+小朋友， 好彩大家都乖，兩程機都冇咩聽到扭計/喊聲) 入左閘後，由於姨媽朋友有孖B車俾我地用，所以我地唔使帶車... (如果帶BB車可以用到上機前先俾空姐收好，唔使寄倉) 原來機場都有BB車用，正呀!!以前未有小朋友真係冇留意!!! 之後就入lounge食魚蛋粉~~~~~~~ 原來咁大個lounge只係得一張bb high chair， 而機場bb trolley係唔入得lounge 唯有抱住一個!!! 上機前食埋保嬰丹 (始終第一次驚佢地嚇親)， 換埋片片就預備上機~ 我地當日21:55機(之後delay到22:30) 但我地提早左18:30就到機場， check-in慢慢行慢慢食唔好急… 影下相又俾D時間BB放下電，剛好!!! 上機啦!! 上左機空姐就每位BB俾一袋野， 包括片片2塊，1支細cream1支細patpat膏，1條BB安全帶， (去程因為怕BB food唔入得澳洲境， 所以佢地話如果BB食時就問佢地拎， 最後當然訓左冇食， 回程香港時就已經直接俾埋bb food我地， 係兩樽果蓉+1支果蓉) 由於怕開奶粉好煩，babies G已經飲牛奶 (但都要倒入奶樽飲)， 所以我地買左細盒奶，倒入樽上機俾佢地食!!! 哥哥好乖，起飛前已經訓著， 妹妹就起飛中途熄晒燈個刻訓著… 飛定左，seat belt燈一熄，空姐就埋黎set BB籃， 兩個都好抵打，妹妹放落籃醒左， 但自己玩手指腳指冇嘈….之後再訓到落機， 哥哥臨落機前個零鐘開始喊， 爸爸就抱住直到落機~ 當日滿機，所以我同老公之間係有人坐... 回程相反，哥哥就起飛訓到落機， 妹妹要抱左半程機先肯訓落籃… 不過孖媽好滿意佢地既表現啦!!冇大扭大喊~~ 而且兩程機都好順利穩定!!中途冇著seat belt燈,唔使抱起佢地!! 留意返去澳洲無論特區護照/BNO， 都要做簽證既，特區護照可以自行上網做，AUD20蚊， BNO就要出去搵旅行社搞約$150-250蚊。 (點解孖媽知，因為孖媽用BNO既~) 過澳洲關出名煩，記住填入境紙一定要如實填!! 咪捉到好煩，曾經試過冇tick medicine個項， 佢check行李見到有煲湯料，黨參呀，准山個D， 佢話點解唔tick medicine， 我答it is only for soup， 佢再問咁你飲湯為咩， 我答for good health! 佢再話: Then it is medicine!!!!! Ok Fine~~~過關時佢地大晒，所以唯有say sorry!!!! 今次同行有小朋友一定有平安藥， 我又有好多零食，醬料等…. 但好好彩，可能見我地帶住小朋友， 樣又正正常常咁，口頭問下問題， 就放我地走，唔使打開check!!!LUCKY!!!!! 到埗等姨媽接機~ 帶BB去旅行真係唔易，帶兩個更加累… 本身諗住babies G 2歲前去多次，而家放棄lu~~haha ---------------------------------------------------------------------------------------- facebook page : 龍鳳Babies G & 孖媽Gloria| 想睇更多Babies G生活照: https://www.instagram.com/babiesg_mamagloria 邀稿/合作: twins.babiesg@gmail.com
