副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

氣炸機食譜:藍帶豬排(附食譜)

 

豬排成日都煎煎煎?!悶悶地搞下新意思~~裕喬喬食得好開心~煎炸野小朋友唔食得?!唔會囉~食完炸炸咪飲番涼水、椰青,食番個西瓜咪得~~ 菜式:氣炸藍帶豬排 材料: 豬排 2塊 火雞胸肉片 2塊 芝士片 2塊 黑松露芝士醬 適量 (可忽略) 做法: 1. 洗淨豬排抹乾,搵保鮮紙夾住豬排,然後用盡所有奶力拍扁佢、揼扁佢~~揼到薄薄一大片,但唔好揼穿喎      2. 依次序:豬排、火雞胸肉片、芝士片、黑松露芝士醬 舖好,跟住捲好放雪櫃雪1小時左右定型    3. 依次序上生粉、蛋漿、麵包糠,跟住由佢放一陣等麵包糠可以緊緊痴實    4. 預熱氣炸鍋,然後放入豬排,180度 10分鐘,反轉,再200度 5分鐘 就可上碟    P.S.: 1. 用過幾款保鮮袋去拍豬排,真係用保鮮紙去揼扁佢最適合 2. 因為豬排我預先醃左,如果想好味d, 可以用鹽同黑椒醃下,如果俾小朋友食,基本上唔駛醃,因為芝士已經有咸味 3. 如果冇氣炸鍋,可以就咁開鑊半煎炸方式都可以呀    我家裕喬的PAGE, 媽媽盡量每日UPDATE喲~歡迎大家like and follow~~ 亦都歡迎大家聯絡我地合作及試用產品~ https://www.facebook.com/JacoYK/ http://www.instagram.com/zita_jaco