之前Chocolate Rain已經喺唔同地方開過workshop、cafe同聯乘餐廳，今次嘅新搞作係近年好受爸媽歡迎嘅親子cafe，Chocolate Rain Forest已經進註翻新嘅將軍澳中心啦！ Chocolate Rain嘅主題店永遠係充滿拼布裝飾，仲有Fatina公仔同產品，身處其中令人心情舒暢～4000呎嘅親子cafe，一個價錢就可以親子同行2個鐘玩樂時間。 場內一半地方係餐飲區，餐廳主打分子料理甜品同幾款精美甜點小食，仲要係米芝蓮嘅級數，有啲唔簡單喔！ 呢個就係招牌分子焦糖燉蛋配意大利雪糕Fatina Chefo Jar，裝喺Fatina公仔玻璃樽入面，食嘅時候????一羹就可以一次過食到焦糖脆脆同雲呢拿雪糕嘅雙重驚喜！ 呢度仲會提供唔同嘅STEAM工作坊，提供科學益智、手繪、手作等等唔同活動，不過想參加工作坊就需要預約啦！ 另外半個場就係小朋友嘅遊樂區，除咗有一個互動遊戲，仲有好colorful嘅大型吹氣波波池、彈床同滑梯，空間亦足夠俾小朋友來回跑！好攰～ 不過其實全店最大隻嘅Fatina就放咗喺門口，仲有門口旁邊嘅日式場景，都係必影嘅打卡位呀！ 而家仲係試業階段，6月6日就正式開幕啦！ 收費： Eat & Play Set(甜點連飲品 + 遊樂區2小時自由玩)$180* 親子同行(1位成人+1位10歲以下小童)； Grand Set(甜點連飲品 + 遊樂區2小時自由玩 +工作坊+禮品包)$368* 親子同行(1位成人+1位10歲以下小童) 地址：將軍澳唐德街9號將軍澳中心地下G32號舖 立刻預約：www.crforest.hk   是次小分享完畢，有興趣可按 麵語錄食玩遊記 by Aminn 或 C家重地 Be a Asterholic 其他分享 :)         Aminn | Beauty．Food．Fun．Parenting．Trendy｜    麵語錄食玩遊記 by Aminn (Lifestyle) www.facebook.com/m.for.aminn  www.instagram.com/starzaminn    C家重地 (Parenting)  www.facebook.com/sy.lam.family　   任何合作請接洽：aminn613@gmail.com