副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

親子共食:韓式紫菜包飯(附食譜)

天氣唔好,人都懶d....成日食中菜都食到悶,但又唔想裕喬喬冇飯食,咁又轉下款式~今次整個有肉有菜既飯卷就搞掂一餐喇~~材料:紫菜 數片白飯 隨意甘筍 1條菠菜 隨意豬肉 1盒雞蛋 2隻韓國豬肉醬 1

天氣唔好,人都懶d....成日食中菜都食到悶,但又唔想裕喬喬冇飯食,咁又轉下款式~今次整個有肉有菜既飯卷就搞掂一餐喇~~ 材料: 紫菜 數片 白飯 隨意 甘筍 1條 菠菜 隨意 豬肉 1盒 雞蛋 2隻 韓國豬肉醬 1湯匙 麻油 隨意 芝麻 少許 鹽 少許 (可忽略)    做法: 1. 白米煮好變飯撈麻油吹涼備用;甘筍去皮刨絲;菠菜切頭浸洗乾淨 2. 開鑊落少少油,放甘筍絲炒軟,落少少鹽同麻油攪拌好備用    3. 煲滾水落菠菜,灼30秒左右撈起浸凍水冷卻;跟住揸乾水份撈少少鹽同麻油備用    4. 雞蛋打發成蛋液,跟住煎成蛋皮,待涼後切成粗條    5. 開鑊炒熟豬肉片,加1湯匙豬肉醬調味    6. 放好哂食材就可以開檀包喇~包好切一舊舊就可以開動~我既次序係:紫菜》飯〉豬肉》蛋〉甘筍》菠菜    P.S.:  1. 傳統的紫菜包飯一定有黃瓜同其他醃菜,但因為同裕喬喬共食,所以乜都冇加⋯⋯媽媽表示好淡口 2. 如果冇豬肉調味醬,可以隨意落少少生抽、糖調味 3. 壽司紫菜都要留意鈉含量,我用呢款算好低鈉~~    急不及待要夾黎食~~   始終用手食最快      我家裕喬的PAGE, 媽媽盡量每日UPDATE喲~歡迎大家like and follow~~ 亦都歡迎大家聯絡我地合作及試用產品~ https://www.facebook.com/JacoYK/ http://www.instagram.com/zita_jaco