好耐都無做食譜了， 事緣4～5月都掛住去旅行， 前排Bella又病左，唔係食粥就食湯粉， 所以都無咩心機同機會煮下野， 最近好返佢就食慾大增， 終於都可以整返D好野比佢食????……   今次做左《鮮茄芝士免治牛肉飯》， 同佢一齊 #親子共食， 酸酸甜甜我倆都胃口大增， 平時大家食開嘅可能有雞蛋， 但今次我就唔落蛋，改用芝士， 芝士、牛肉、蕃茄呢個組合，餸飯一流。     材料（2人份）： 芝士20g 牛肉120g-150g 蕃茄一隻 BB低鈉豉油 2 湯匙 乾月桂葉1小片 水         做法： 1. 首先用30ml開水， 倒入免治牛肉內拌勻攪鬆。     2. 再加入兩湯匙BB豉油拌勻。     3. 蕃茄去頂切八份，留起三份， 另外五份放進攪拌器打成蕃茄蓉 （如果沒有攪拌器，則可用刀剁成碎蓉狀）       4. 加入20ml水在蕃茄蓉內。     5. 平底鑊放些許油，加熱後放入免治牛肉炒勻。     6. 再加入蕃茄溶，與免治牛肉混合煮。     7. 加入另留起三份蕃茄，再加入一片月桂葉。     8. 煮至7～8成收汁後可試味，若喜歡可加鹽。 之後再加入芝士。       9. 把芝士壓平及分散一點， 待溶至軟身便可直接與肉醬一起放上飯面進食。             ************************** ~ 許許與小BELLA ~ 隨性的玩樂型媽媽~ 喜歡做BB特色料理~ 愛分享BB好物情報~ 記得留意我地FACEBOOK瀏覽更多玩樂情報及BB食譜啦~ FB專頁: www.facebook.com/huihuiplayground 聯絡我們: jassmine_tea@yahoo.com.hk       IG:  https://www.instagram.com/huihui_bella/ ~ BLOG足跡 (BEAUTY, LIFESTYLE,  MOM & BABY) ~ BlogSpot   PINEXT   OpenRice  ESD LIFE  TheZtyle  She.Com BeautyExchange   OH!爸媽!  MyBB.Com  香港媽咪幫  UBABY   親子日常  EASY PAMA  Parent's Daily  媽媽經   Sunday Kiss