副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

傳統香港小食:雞蛋仔(附食譜)

裕喬喬近排日日叫食雞蛋仔⋯⋯食到我都覺得over 左,想唔變肥仔都難~~最重要係唔健康,事關街既雞蛋仔係高油、高糖⋯⋯有見及此,媽媽我就買左部雞蛋仔機,係屋企整好過食街外野,正常版要用約150克糖,我

裕喬喬近排日日叫食雞蛋仔⋯⋯食到我都覺得over 左,想唔變肥仔都難~~最重要係唔健康,事關街既雞蛋仔係高油、高糖⋯⋯有見及此,媽媽我就買左部雞蛋仔機,係屋企整好過食街外野,正常版要用約150克糖,我自己調就只用1/3,可以做到低糖、低油添 材料(可做3底): 低筋粉 140克 生粉 30克 吉士粉 10克 泡打粉 1/2 茶匙 雞蛋 2隻 日本棉紗糖 25 克 海藻糖 15克 淡奶 3盒仔(約39克) 水 140克 橄欖油 1/2 湯匙    做法: 1. 將糖同雞蛋混合;將粉類過隔篩 2. 將蛋液打發至淡黃色,加入淡奶同水攪拌好    3. 將蛋漿慢慢分幾次倒入粉內,攪拌成麵粉漿    4. 最後加入橄欖油攪拌好,放入雪櫃雪最少1小時 5. 麵粉漿回溫一陣,同時預熱雞蛋仔模 6. 於模內掃油,再倒入麵粉漿,關上後反轉個模2分鐘,再反轉焗多4分鐘就可以喇~~       P.S.: 1. 如果冇海藻糖、棉紗糖,可用白砂糖代替 2. 可以用電動打蛋器代替手動打蛋器,仲易打起雞液又~只係我鍾意發個過程,感覺自己大腦可以休息下,但就手軟 3. 想麵粉漿更滑可以過多一次隔篩,確保唔會有粉粒 4. 如果想要香味,可加入雲尼拿香油,但我想天然點,所以冇加到~坊間可以加入其他食材做成各種味道 5. 麵粉漿整好後雪一雪可以更易做到外脆內軟既口感,唔雪都可以,但都要放置室溫約20-30分鐘等粉漿沈澱一下 我家裕喬的PAGE, 媽媽盡量每日UPDATE喲~歡迎大家like and follow~~ 亦都歡迎大家聯絡我地合作及試用產品~ https://www.facebook.com/JacoYK/ http://www.instagram.com/zita_jaco