囡囡而家2個幾月，全人奶。諗返之前，知道自己有BB嘅時候，已經決心要餵母乳! 1. 母乳對BB好處多，天然點 2. 想感受多點同bb嘅母囡接觸，親子關係濃厚好多，當媽媽嘅感覺更加深刻 懷孕期間，都聽到可以成功餵母乳嘅例子唔多，有點有心但身體條件唔許可，有點屋企人唔支持，有點因為谷奶或有乳腺炎覺得辛苦而放棄 。為咗能夠成功，我懷孕期間就開始做準備!  首先，最基本要清楚了解胸部結構，唔係“大波”就實好奶，係要睇自己嘅胸裏面嘅乳腺多或少，有點胸大，只係因為脂肪多! 所以胸部大小，唔係成功嘅原因! 第二，就係食點上奶嘅食物同飲多點湯水。懷孕期間，嗰胸會愈來愈大，表示佢開始做緊奶，所以可以在懷孕期間儲備多點奶水，產後就會容易上奶。懷孕期間，盡量少食點膠質重嘅食物，例如:花膠等，因為膠質重易塞奶，乳腺塞左唔通，就會影響上奶，所以我當時都好少食，最多係食1-2嚿，過口癮 第三，又係最重要嘅，就係按摩胸部。你會聽到醫院姑娘係懷孕期間都唔建議掂嗰胸，因為刺激乳頭，子宮會收縮，驚影響到而早產。但只要按摩嘅時候，唔好按乳頭，留意自己子宮有冇唔舒服，一有子宮收縮就停止按摩就可以。我懷孕期間，最鐘意係沖完涼， 瞓喺張床度用body lotion 按胸，由外至內，用指腹輕輕力推，當推到有點位覺得痛，唔好收手，重點推多幾次，因為乳腺塞咗，至會痛。推到通，就唔會再痛。如果可以，可以試下擠唔擠到野出黎，有淡黃色嘅就係我地珍而重之嘅初乳。但當然，我個人建議擠乳頭通乳腺，最好喺懷孕中後期至做，避免未陀隱，子宮收縮造成危險。 如果有啲媽咪瞓覺嘅時候有漏奶嘅現象， 表示你乳腺發達 ，嚟成功餵母乳行進一大步。 當然都係要勤力啲按摩。  希望我嘅經驗可以幫到你哋! 如果有問題歡迎搵我交流下