未放暑假就已經不停有活動，信義妹都已經有一個暑假黑幾度既心理準備，如果可以附帶瘦多幾磅就更好啦~~~~   約咗諾諾遊記一齊出去行個圈遊遊下，遊到攰就梗係要搵食架啦~~~   諾媽有夠細心，一早就已經準備好食飯地方 ~ 古琴雅苑 ~      呢度係食正宗的北京烤鴨及傳統淮揚菜，負責北京烤鴨的師傅係師承北京百年傳統北京填鴨老店 - 「全聚德」。絕對有品質保證。講到信義妹滿心期待。   原來呢度有小朋友大愛的兒童餐，精緻既餐具吸引小朋友安坐，仲有填色可以俾小朋友打發時間，只要4歲以下就可以有免費兒童餐（$68）架啦~ 係免費架！！！！講咗配套，兒童餐有咩食呢?    有醬爆肉絲伴荷葉包、上湯浸小棠菜、杞子桂花糕和冬瓜薏米水。而菜式都係少油鹽糖，啱曬信義妹所需。   啲細既有野食，就輪到大人食啦~~ 由於大家都餓底，所以都點得比平時多。   先來一個 午市4人餐(A餐) $648 再來幾個味遊。盛夏限定菜式~~~   4人餐有咩食呢~~~   花雕醉雞  酒香宜人，雞滑嫰又唔會太生 濃淡得宜，雞肉帶微鹹，雞皮爽而不膩   蔥油海蜇拌黃瓜 青瓜爽脆，海蜇彈牙 味道清爽，唔會太油膩     烤北京填鴨(半)   分幾個部份食，   一口酥（鴨的胸部，皮多肉少）入口即溶，沾上砂糖或者蜂蜜黃梅醬食，更有不同的味道層次。 其他部份可以配青瓜、京蔥、哈蜜瓜，餅皮和醬汁  ，鴨肉油脂分怖平均。入口不油膩，加上有哈蜜瓜，青瓜等口感清新。   紅燒獅子頭 Braised Meat Ball with Cabbage 肉稔又香口，鹹道適中。 旁邊的小棠菜吸收曬獅子頭的醬汁，多重滋味享受。   開水白菜 Steamed Cabbage in Supreme Soup 見到名以為係無味食品。原來都 唔係。帶少少鹹味，但正好同之前的烤鴨做一個強烈對比。     木桶包菜飯 飯夠乾身，粒粒分明。 雖然見到好似好濃味，但又唔會好鹹，配上生菜包來吃，就清爽感覺番曬來~~~   額外加的味遊。盛夏菜式   海參鍋巴 $228 海參係原鍋上，下面仲有火熱住，保持溫度令到菜式保持應有的質素。海參配冬菇冬筍係絕配。幾種不同質感配搭，再加上脆口鍋巴沾上汁伴上餸，多重口感滿足喜歡吃香口的大家。   花雕醉肘子$228 豬手呀~~~信義妹最愛因為有大量的膠原蛋白，年紀大啦~~~要努力補充膠原蛋白~ 好多人唔喜歡豬手係因為帶骨，呢個係骨肉分離架！唔駛怕啦~~可以大大啖食啦~ 皮不膩帶爽，肉唔會過鹹，淡淡鹹味已經帶出花雕酒香氣。   醋椒魚  $168 石斑切片，肉質滑而不散。明顯石斑都有做gym 啦~~哈哈哈 呢個帶少少酸微微辣，湯頭香濃，聞有少少鹹香味，食既時候，鹹味適中，魚片沾上湯美味層次升級。帶上少少酸更令人開胃。   蔥燒富貴魚 $228 今日一枱魚友所以我地都叫多兩味魚食~~~ 富貴魚又叫多寶魚，信義妹多數食既係蒸，今日難食就梗係食平時唔成日整架啦~~~就係炸啦~~~~哈哈哈 魚外脆內軟，呢個正宗可以連骨都食埋，帶有孜然粉既香氣，令到鮮味提高。不愛酸甜可以不沾汁，但愛酸甜就記得要沾啦~~~~因為沾後除咗食到鹹味，仲可以因為醬汁既酸甜，令到魚既味道昇華。   甜品一向都係女人既第二個胃，各自點了自己所愛   腰果露 $29 香滑濃稠，陣陣腰果香氣撲鼻。仲有少少顆粒增添口感，味道唔會太甜，適合現今健康之道。   讚好古琴雅苑專頁，仲會送豆漿一杯架~       獨食必肥隨意門: 古琴雅苑 地址：灣仔皇后大道東202號QRE Plaza 19樓 電話：2351 0528/6993 1025 營業時間：星期一至日 11:30 - 15:00；17:30 - 23:00   古琴雅苑 地址：尖沙咀北京道12A號太子集團中心15樓 電話：2882 1582/6993 2195 營業時間：星期一至日 12:00 - 15:00；18:00 - 23:00 FACEBOOK: https://www.facebook.com/zithergarden/ Instagram: https://instagram.com/zithergarden/     信義藍星札記 Facebook Page https://www.facebook.com/IncredibleShunyeemui/ Instagram https://www.instagram.com/IncredibleShunyeemui/